ବଲାଙ୍ଗିର, (କେପିଏନ୍ଏସ୍) : କନ୍ଧପାଲିପଡା ନିକଟରେ ୩୮ଟି ଶାଗୁଆନ ପଟା ଜବତ କରିଛି ବନ ବିଭାଗ ବୋଲି ଖବର ମିଳିଛି । ସୂଚନା ଅନୁସାରେ ସହରର କନ୍ଧପାଲିପଡା ନିକଟରେ ଦୁଇ ଜଣ ବ୍ୟକ୍ତି ଏକ ଅଟୋ ରିକ୍ସା(ଓଡି-୦୩ଏକ୍ସ-୯୫୧୪)ରେ ଶାଗୁଆନ ପଟା ନେଇ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ରେଞ୍ଜ ଅଧିକାରୀ କେଶବ କିଶୋର ନାୟକଙ୍କ ନିର୍ଦ୍ଦେଶରେ ବଲାଙ୍ଗିର ରେଞ୍ଜର କର୍ମଚାରୀମାନେ ଚଢାଉ କରିଥିଲେ । ଚଢାଉରେ ୩୮ଟି ଶାଗୁଆନ ପଟା ଜବତ କରିଥିବା ବେଳେ ଘଟଣାରେ ସଂପୃକ୍ତ ଦୁଇ ଜଣଙ୍କୁ ଗିରଫ କରିଥିଲେ । ଗିରଫ ଦୁଇ ଜଣ ଅଭିଯୁକ୍ତମାନେ ହେଲେ ତୋଷରାଜ କନ୍ଦ ଓ ସୁବାଷ ନାଗ ।