ରାଉରକେଲା, (ସସ୍ମିତା ପ୍ରଧାନ) : ନିଖିଳ ଉତ୍କଳ ଖଣ୍ଡାୟତ କ୍ଷତ୍ରିୟ ମହାସଭା ଇସ୍ପାତ ନଗର କମିଟିର ଆସନ୍ତା ୩ ବର୍ଷ ପାଇଁ ନୂତନ କମିଟି ସଭାପତିଙ୍କ ଅନୁମୋଦନ କ୍ରମେ ଗଠନ କରାଯାଇଛି । ସେକ୍ଟର ୩ ସ୍ଥିତ ଖଡ୍ଗ ଭବନ ଠାରେ ବରିଷ୍ଠ ଉପସଭାପତି ଉପେନ୍ଦ୍ର କୁମାର ନାୟକଙ୍କ ସଭାପତିତ୍ୱରେ ଆୟୋଜିତ କମିଟିର ପ୍ରମୁଖ ସଦସ୍ୟ ମାନେ ଯୋଗଦେଇ ଗତ ମାର୍ଚ୍ଚ ମାସରେ ହୋଇଥିବା ରାଜ୍ୟ ସମ୍ମିଳନୀର ଆୟ ବ୍ୟୟକୁ ଆଲୋଚନା କରି ଅନୁମୋଦନ କରିଥିଲେ । ଏହାସହ ଆସନ୍ତା ୩ ବର୍ଷ ପାଇଁ ନୂତନ କମିଟି ଗଠନ କରାଯାଇଥିଲା । ପରେ ମେଫେୟାର ଠାରେ ନୂତନ ସଭାପତି ରୂପେ ପ୍ରାକ୍ତନ କେନ୍ଦ୍ରମନ୍ତ୍ରୀ ଦିଲ୍ଲୀପ ରାୟଙ୍କୁ ସାକ୍ଷାତ କରି ସମସ୍ତ ବିଷୟ ଅବଗତ କରାଯାଇ ତାଙ୍କ ଅନୁମୋଦନ ତଥା ସର୍ବସମ୍ମତି କ୍ରମେ ଉପଦେଷ୍ଟା ମଣ୍ଡଳୀରେ କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ ସାଂସଦ ଜୁଏଲ ଓରାମ, ରଘୁନାଥପାଲ୍ଲୀର ବିଧାୟକ ଦୁର୍ଗାଚରଣ ତନ୍ତୀ, ଯଦୁମଣି ସ୍ୱାଇଁ, ହରିହର ରାଉତରାୟ, ଡାକ୍ତର ୟୁ. ସି ଜେନା, ସୁରେନ୍ଦ୍ର ରାଉତ ଓ ବାବାଜୀ ସ୍ୱାଇଁ ଥିବାବେଳେ ସଭାପତି ଭାବେ ଦିଲ୍ଲୀପ ରାୟ, କାର୍ଯ୍ୟକାରୀ ସଭାପତି ଭାବେ ଉପେନ୍ଦ୍ର କୁମାର ନାୟକ, ଉପସଭାପତି ଭାବେ ନାରାୟଣ ଚନ୍ଦ୍ର ସାମଲ, ଭାନୁ ପ୍ରତାପ ପ୍ରଧାନ, ସୁବ୍ରତ ମଲ୍ଲିକ, ରାଜେନ୍ଦ୍ର ନାୟକ, ରତ୍ନାକର ବଳ, ନିରୋଦ କୁମାର ରାଉତ, ମୀନତି ବିଶ୍ୱାଳ, ସାଧାରଣ ସମ୍ପାଦକ ଭାବେ ଶଶଧର ପାତ୍ର, ସହ ସମ୍ପାଦକ ଭାବେ କିଶୋର ନାୟକ, ସାଂଗଠନିକ ସମ୍ପାଦକ ଭାବେ ଜଗନ୍ନାଥ ରାଉତ, ଉଗ୍ରସେନ ବିଶ୍ୱାଳ, ଶମ୍ଭୁନାଥ ପରିଡା, ଚନ୍ଦ୍ରମଣି ବେହୁରା, ଅକ୍ଷୟ ଦାସ, ବସନ୍ତ ଜେନା, ସନ୍ତୋଷ ବିଶ୍ୱାଳ, ନିରଞ୍ଜନ ସାମଲ, କୋଷାଧ୍ୟକ୍ଷ ଭାବେ ଗଙ୍ଗାଧର ନାୟକ, କାର୍ଯ୍ୟକାରୀ ସଦସ୍ୟ ଭାବେ ରଥିନ୍ଦ୍ର ପ୍ରଧାନ, ଅବନୀ ବଳ, ସୁଦର୍ଶନ ସାମଲ, ରାଧାଶ୍ୟାମ ପରିଡ଼ା, ସନ୍ତୋଷ ପ୍ରଧାନ, ଗଣେଶ ଜୟସିଂହ, ନାରାୟଣ ମହାଳିକ, ମହେନ୍ଦ୍ର ମଲ୍ଲିକ, ପ୍ରଶାନ୍ତ କୁମାର ଭୁଜବଳ ଓ ମୁଖପାତ୍ର ଭାବେ କୁଞ୍ଜବିହାରୀ ରାଉତ ପ୍ରମୁଖଙ୍କୁ ଚୟନ କରାଯାଇଥିଲା । ଏହାସହ ଖଡ୍ଗ ଭବନର ମରାମତି ଓ ଅନ୍ୟାନ୍ୟ ଆନୁଷଙ୍ଗିକ କାର୍ଯ୍ୟ ତଥା ଆସନ୍ତା ଅଗଷ୍ଟ ମାସରେ ନୂତନ କର୍ମକର୍ତ୍ତାଙ୍କ ସତ୍ୟପାଠ ଓ ଗତ ରାଜ୍ୟ ସମ୍ମିଳନରେ ରହିଯାଇଥିବା କିଛି ବିଶିଷ୍ଟ ବ୍ୟକ୍ତିଙ୍କୁ ସମ୍ମାନିତ କରାଯିବ ବୋଲି ସ୍ଥିର କରାଯାଇଛି ।