ରାଉରକେଲା, (ସସ୍ମିତା ପ୍ରଦାନ) : ରାଉରକେଲା ଇସ୍ପାତ କାରଖାନା ଅନ୍ତର୍ଗତ ସିଆଇଏସ୍ଏଫ୍ ସରଂକ୍ଷିକା ପରିବାର ତରଫରୁ ସ୍ଥାନୀୟ ହନୁମାନ ମନ୍ଦିର ନିକଟରେ ଶୀତ କାକରରେ ପଡିଥିବା ତଥା ଆବଶ୍ୟକତା ଥିବା ଗରିବ ଲୋକମାନଙ୍କ ମଧ୍ୟରେ କମ୍ବଳ ବଣ୍ଟନ କରାଯାଇଥିଲା । ସରଂକ୍ଷିକା ପରିବାରର ଅଧ୍ୟକ୍ଷା ସ୍ୱସ୍ତିକା ସହାୟଙ୍କ ନେତୃତ୍ଵରେ ପରିବାରର ଅନ୍ୟ ସଦସ୍ୟମାନେ ଉପସ୍ଥିତ ରହି ଏହି କାର୍ଯ୍ୟକ୍ରମରେ ସହଯୋଗ କରିଥିଲେ । ଏହି ଅବସରରେ ଅଧ୍ୟକ୍ଷା ଶ୍ରୀମତୀ ସହାୟ କହିଲେ ଯେ, ସାମାଜିକ ପ୍ରତିବଦ୍ଧତା ଓ ଦାୟିତ୍ୱବୋଧକୁ ଆଖି ଆଗରେ ରଖି ଏଭଳି କାର୍ଯ୍ୟକ୍ରମ କରାଯାଉଛି । ଭବିଷ୍ୟତରେ ମଧ୍ୟ ଏଭଳି ସାମାଜିକ କାର୍ଯ୍ୟକ୍ରମ କରାଯିବ । ଏହି କାର୍ଯ୍ୟକ୍ରମରେ ସିଆଇଏସ୍ଏଫ୍ ପରିବାରର ସଦସ୍ୟଙ୍କ ସହ ସିଆଇଏସ୍ଏଫ୍ ଜବାନ ମଧ୍ୟ ଉପସ୍ଥିତ ଥିଲେ ।