ଟିଟିଲାଗଡ଼, (ସଞ୍ଜୟ କୁମାର ନାୟକ) : ଲାୟନ୍ସ କ୍ଲବ ସଦାବେଳେ ବିଭିନ୍ନ ସେବାକାର୍ଯ୍ୟ ହାତକୁ ନେଇଥାଏ । ଚଳିତ ବର୍ଷ ଶୀତର ପ୍ରକୋପ କିଛି ଦିନ ହେଲା ବୃଦ୍ଧି ପାଇବାରେ ଲାଗିଛି । ଏହାକୁ ଆଖି ଆଗରେ ରଖି ଟିଟିଲାଗଡ଼ ଲାୟନ୍ସ କ୍ଲବ ସଭାପତି ଗଙ୍ଗାଧର ଶର୍ମାଙ୍କ ନେତୃତ୍ୱରେ ଏବଂ ଆବାସ ଖାଁଙ୍କ ଆୟୋଜକତାରେ ମଙ୍ଗଳବାର ସ୍ଥାନୀୟ ମା’ ଘଣ୍ଟାଶୁଣି ମନ୍ଦିରରେ ଭିକ୍ଷା ବୃତ୍ତି କରି ପେଟ ପୋଷୁଥିବା ଦରିଦ୍ର ନାରାୟଣଙ୍କୁ କମ୍ବଳ ବଣ୍ଟନ କରାଯାଇଛି । ସେହିପରି ଅନ୍ୟ ସ୍ଥାନ ମାନଙ୍କରେ ରହୁଥିବା ଅସହାୟ ଲୋକଙ୍କ ଘରକୁ ଯାଇ ମଧ୍ୟ କମ୍ବଳ ବଣ୍ଟନ କରାଯାଇଛି । ଏହି ମହତ କାର୍ଯ୍ୟରେ ଟିଟିଲାଗଡ଼ ଲାୟନ୍ସ କ୍ଲବର ବରିଷ୍ଠ ସଦସ୍ୟ ଲିଙ୍ଗରାଜ ସାହୁ, ଅଜିତ ପାତ୍ର, ପ୍ରଦୀପ ବାରିକ, ଦୀପକ ପୃଷ୍ଟି, ମାର୍କେଟିଂ ଚେୟାର ପର୍ସନ ସଞ୍ଜୟ କୁମାର ନାୟକ, ଅସୀମ କୁଣ୍ଡୁ, କ୍ଷୀରସିନ୍ଧୁ ଦର୍ଜି, ପଙ୍କଜ ନାମ ଦେବ ଓ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ ।