କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : ଘାଟି ରାସ୍ତାର ମରାମତି ହେଉଛି । ଆଉ ଏତିକି ବେଳେ ଅଚାନକ ରାସ୍ତା ଉପରେ ଓଲଟି ପଡିଲା ହାଇୱା । କଳାହାଣ୍ଡି ଜିଲ୍ଲା କଲମପୁର – ଥୁଆମୁଳ ରାମପୁର ମୁଖ୍ୟ ରାସ୍ତାର ସିଙ୍ଗାରୀ ଘାଟି ରାସ୍ତାର ଏକ ବୁଲାଣି ନିକଟରେ ରବିବାର ଅପରାହ୍ନରେ ଏକ ହାଇଓ୍ବା ଓଲଟି ଥିବାବେଳେ ଚାଳକ ଅଳ୍ପକେ ରକ୍ଷା ପାଇଛନ୍ତି । ସୂଚନା ଅନୁସାରେ OD08R 9264 ନମ୍ବର ବିଶିଷ୍ଟ ଏକ ହାଇଓ୍ବା ସିଙ୍ଗାରୀ ଘାଟି ରାସ୍ତାର ମରାମତି କାର୍ଯ୍ୟରେ ବ୍ୟବହୃତ ସାମଗ୍ରୀ ଖାଲି କରୁଥିବା ବେଳେ ଅଚାନକ ରାସ୍ତା ଉପରେ ଓଲଟି ପଡିଥିଲା । ସୌଭାଗ୍ୟ ବସତଃ ଚାଳକ ଅଳ୍ପକେ ରକ୍ଷା ପାଇଥିବା ଜଣା ଯାଇଛି ।