ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ ଉପ କାରାଗାର ଭିତରୁ ଦୁଇ ଜଣ ବିଚାରାଧୀନ କଏଦୀ ଫେରାର ଥିବା ନେଇ ଏବେ ଏକ ବଡ଼ ଖବର ସାମ୍ନାକୁ ଆସିଛି । ଫେରାର୍ ଦୁଇ ଜଣ କଏଦୀ ହେଲେ କେସିଙ୍ଗା ଅଂଚଳର ସୁମିତ ବିହାରୀ ଓ ସିନ୍ଧେକେଲା ଅଂଚଳର ଶୁଭମନ ରଣା । ଗତ ରାତିରେ ଜେଲର କାନ୍ଥ ଡେଇଁ ଏଇ ଦୁଇ ଜଣ ସୁମିତ ଓ ଶୁଭମନ ଫେରାର୍ ଥିବା ସୂଚନା ମିଳିଛି । ତେବେ କୌଣସି ଏକ ହତ୍ୟା ମାମଲାରେ ଜେଲ୍ରେ ଏଇ ଦୁଇ ଜଣ ବିଚାରାଧୀନ କଏଦୀ ଭାବରେ ଜେଲ ଦଣ୍ଡ ଭୋଗୁଥିବା ବେଳେ ଜେଲ୍ରେ ଏତେ ସୁରକ୍ଷା ଥାଇ ମଧ୍ୟ କେମିତି ଫେରାର୍ ହେଲେ ଏଇ ଦୁଇ ଜଣ । ଏମାନଙ୍କ ପେରାର୍ ପଛରେ ଜେଲ୍ର କୌଣସି କର୍ମଚାରୀଙ୍କ ହାତ ନାହିଁ ତ ଏମିତି ଅନେକ ପ୍ରଶ୍ନ ଏବେ ସାଧାରଣରେ ଉଠୁଥିବା ବେଳେ ଜେଲ୍ର ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଧ୍ୟାନ ଦେବାକୁ ସାଧାଣରେ ଦାବୀ ହେଉଛି । ଅନ୍ୟପଟେ ଏହି ଘଟଣାକୁ ନେଇ ଟିଟିଲାଗଡ଼ ପୋଲିସ ଓ ଜେଲ କର୍ମଚାରୀଙ୍କ ଛାନଭିନ୍ ଚାଲିଛି ।