ବଲାଙ୍ଗିର, (କେପିଏନ୍ଏସ୍) : ‘ରଚନା’ ପକ୍ଷରୁ ସ୍ୱାଧୀନତାର ଅମୃତ ମହୋତ୍ସବ ଉପଲକ୍ଷେ ସରକାରୀ ମହିଳା ମହାବିଦ୍ୟାଳୟରେ ଛାତ୍ରଛାତ୍ରୀଙ୍କ ସ୍ୱରଚିତ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛି । ଆଜି ପୂର୍ବାହ୍ନରେ ଆୟୋଜିତ ଏହି କାର୍ଯ୍ୟକ୍ରମର ପ୍ରଥମ ଅଧିବେଶନରେ ସାହିତ୍ୟିକ ସନାତନ ଠାକୁର ଅଧ୍ୟକ୍ଷ ଦାୟିତ୍ଵ ଗ୍ରହଣ କରିଥିବା ବେଳେ ବଲାଙ୍ଗିର ସରକାରୀ ମହିଳା ମହାବିଦ୍ୟାଳୟର ଅଧ୍ୟକ୍ଷ ମନୋରଞ୍ଜନ ମିଶ୍ର ଉଦଘାଟନୀ ଭାଷଣ ପ୍ରଦାନ କରିଥିଲେ । ସ୍ୱାଗତ ସମ୍ଭାଷଣ ଓ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ଅଧ୍ୟାପକ କଉତୁକ ପନ୍ଦର ଏବଂ ଧନ୍ୟବାଦ ଅର୍ପଣ କରିଥିଲେ ଅଧ୍ୟାପକ ଡଃ. ଜଗନ୍ନାଥ ସାହୁ । ଦ୍ୱିତୀୟ ଅଧିବେଶନରେ ଆୟୋଜନ କବିତା ପାଠୋତ୍ସବରେ କବି ପ୍ରହ୍ଲାଦ ଶତପଥୀ ଓ ନାଟ୍ୟଭୂଷଣ ଜଗଦାନନ୍ଦ ଛୁରିଆ ଉଦବୋଧନ ଦେଇଛନ୍ତି । କବିତା ସଂଯୋଜନା କରିଥିଲେ କବି ରତ୍ନମୟ ତ୍ରିପାଠୀ ଓ ଲିଲି ପଟେଲ । କବି ରାଜେନ୍ଦ୍ର କିଶୋର ପଣ୍ଡାଙ୍କ କବିତା ‘ଯେତେ ଦୂର ଯିଇପାରିବୁ ଯା’ ପାଠ କରିଛନ୍ତି ମୃଗେଶ ବୈଷ୍ଣବ ପାଣିଗ୍ରାହୀ । ଧନ୍ୟବାଦ ଅର୍ପଣ କରିଛନ୍ତି ଅଧ୍ୟାପକ ଡଃ. ଲକ୍ଷ୍ମଣ ମେହେର ।