ଛତ୍ରପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁରର ଅଗ୍ରଣୀ ସଂଗଠନ ସୃଜନ ସାହିତ୍ୟ ସଂସ୍କୃତି ସଂସଦ ପକ୍ଷରୁ ମାସିକ କବିତା ଆସର ସାମାରୋହରେ ପାଳିତ ହୋଇଯାଇଛି । ଓଡିଶା ରାଜ୍ୟ ସରକାରୀ ଅବସରପ୍ରାପ୍ତ କର୍ମଚାରୀ ସଂଘ ସମ୍ମିଳନୀ କକ୍ଷରେ ସଭାପତି ଲକ୍ଷ୍ମଣ ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଏହି ଆସରରେ ସଂପାଦକ ସୋମନାଥ ସାହୁ ସଭା ପରିଚାଳନା କରିଥିଲେ । ଉପଦେଷ୍ଟା ସାହିତ୍ୟିକ ନିରଂଜନ ତ୍ରିପାଠୀ ଓ ଉପ-ସଭାପତି ସନ୍ତୋଷ କୁମାର ଦାସ ପ୍ରମୁଖ ମଞ୍ଚାସୀନ ରହି ସାହିତ୍ୟ ଚର୍ଚ୍ଚା ହୋଇଥିଲା । ଭାଷା ଓ ସାହିତ୍ୟର ଉନ୍ନତି ଓ ବିଶ୍ୱ ନାଟ୍ୟ ଦିବସ ବିଷୟରେ ପ୍ରଶାନ୍ତ କୁମାର ଶତପଥୀ, ଅରୁଣ କୁମାର ଶତପଥୀ, ପ୍ରଫୁଲ୍ଲ ଚନ୍ଦ୍ର ମହାପାତ୍ର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ଶ୍ରୀମତୀ ବିନୋଦିନୀ ନାୟକ ଓ ଶ୍ରୀମତୀ ଶୈଳବାଳା ପାଣିଗ୍ରାହୀ, ଶରତ କୁମାର ମହାପାତ୍ର ଓ ଉପସ୍ଥିତ ସଭ୍ୟ/ସଭ୍ୟାଙ୍କ ଉପସ୍ଥିତିରେ କବିତା ପାଠ ହୋଇଥିଲା । ଏଥିରେ ଶ୍ରୀମତୀ ଶୈଳବାଳା ପାଣିଗ୍ରାହୀ, ଶ୍ରୀମତୀ ବିନୋଦିନୀ ନାୟକ, ସର୍ବଶ୍ରୀ ବିଜୟ କୁମାର ରାଉଳ, ଲକ୍ଷ୍ମଣ ପଣ୍ଡା, ପ୍ରଶାନ୍ତ କୁମାର ଶତପଥୀ, ସୋମନାଥ ସାହୁ, ରାମଚନ୍ଦ୍ର ନନ୍ଦ ଓ ବଳରାମ ପଲେଇ ପ୍ରମୁଖ ସ୍ୱରଚିତ କବିତା ପଠନ କରିଥିଲେ ।