ଟିଟିଲାଗଡ, (ଗୌରବ ଦର୍ଜୀ) : ଟିଟିଲାଗଡ ଥାନା ଅନ୍ତର୍ଗତ ସିହିନୀ ପଞ୍ଚାୟତର ବଛାଯୁଝା ଗାଁରେ ଜଣେ ଯୁବକ ଆତ୍ମହତ୍ୟା କରିଥିବା ସୂଚନା ରହିଛି । ଯୁବକ ଜଣକ ବଛାଯୁଝା ଗାଁର ବିଭୀଷଣ ନାଗ ଙ୍କ ୧୯ ବର୍ଷୀୟ ପୁଅ ରଞ୍ଜିତ ନାଗ ବୋଲି ଜଣାପଡିଛି । ବଛାଯୁଝା ଗାଁରୁ ଅତର୍ଲା ଗାଁକୁ ଯିବା ରାସ୍ତାରେ ଏକ ନିମ୍ବ ଗଛରେ ଶବ ଝୁଲନ୍ତା ଅବସ୍ଥାରେ ଥିବା ଖବର ପାଇ ଗ୍ରାମବାସୀ ଓ ରଞ୍ଜିତଙ୍କ ପରିବାର ପହଂଚି ଟିଟିଲାଗଡ ପୋଲିସକୁ ସୂଚନା ଦେଇଥିଲେ । ସୂଚନା ପାଇ ଟିଟିଲାଗଡ ଥାନା ଅଧିକାରୀ ରଞ୍ଜନ ବରିହା, ଏଏସଆଇ ଖାମସିଂ ମାଝୀ ଓ ପୋଲିସ ଦଳ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରି ତଦନ୍ତ ଆରମ୍ଭ କରିଛନ୍ତି । ଟିଟିଲାଗଡ ପୋଲିସ ଶବ ଜବତ କରି ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ସୂଚନା ରହିଛି ।