ରାଉରକେଲା, (ସସ୍ମିତା ପ୍ରଧାନ) : ଛେଣ୍ଡ ସ୍ଥିତ ଚିନ୍ମୟ ଇଂରାଜୀ ମାଧ୍ୟମ ବିଦ୍ୟାଳୟରେ ସ୍ୱାମୀ ବିବେକାନନ୍ଦ ଲୋକ ସଂସଦ ତରଫରୁ ପ୍ରତିବର୍ଷ ପରି ଏବର୍ଷ ମଧ୍ୟ ୧୬୨ତମ ବିବେକାନନ୍ଦ ଜୟନ୍ତୀ ପାଳିତ ହୋଇଯାଇଛି । ଏଥିରେ ସଭାପତି ଇଂ. କୁମାର ବେହେରାଙ୍କ ପୌରହିତ୍ୟ, ଅଧ୍ୟକ୍ଷା ଶର୍ମିଷ୍ଠା କବିଶତପଥିଙ୍କ ତତ୍ତ୍ୱାବଧାନ, ତଥା ଶିକ୍ଷୟିତ୍ରୀ ନିରୁପମା ପତିଙ୍କ ସଂଯୋଜନାରେ ବିବେକାନନ୍ଦ ଜୟନ୍ତୀ ତଥା ରାଷ୍ଟ୍ରୀୟ ଯୁବ ଦିବସ ୨୦୦ ଛାତ୍ରଛାତ୍ରୀମାନଙ୍କୁ ନେଇ ପାଳନ କରାଯାଇଥିଲା । ଏଥିରେ ବିଶିଷ୍ଟ ଶିକ୍ଷାବିତ୍ ତଥା ସାହିତ୍ୟିକା ସଂଯୁକ୍ତା ପତି ମୁଖ୍ୟ ଅତିଥି ଭାବେ ଯୋଗଦେଇ ବିବେକାନନ୍ଦଙ୍କ ଜୀବନୀ ଉପରେ ଆଲୋକପାତ କରିଥିଲେ । ମୁଖ୍ୟ ବକ୍ତା ଭାବରେ ବିଶିଷ୍ଟ ଶିକ୍ଷାବିତ୍ ତଥା ସମାଜସେବୀ ଡ. କିଶୋରୀ ଦାସ କହିଥିଲେ ଯେ ଶାରୀରିକ ଓ ମାନସିକ ଅସ୍ତିତ୍ୱର ସମନ୍ୱୟର ପ୍ରତୀକ ହେଉଛନ୍ତି ବିବେକାନନ୍ଦ । ସ୍ୱାମୀଜୀଙ୍କ ଆଦର୍ଶରେ ଆଜିର ଛାତ୍ର ସମାଜ ଅନୁପ୍ରାଣିତ ହୋଇ ଦେଶକୁ ଆଗେଇ ନେବା ଉଚିତ୍ । ଅଧ୍ୟକ୍ଷା ଶ୍ରୀମତୀ କବିଶତପଥୀ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ସଭାପତି ଇଂ. ବେହେରା ଯୁବସମାଜକୁ ଆହ୍ୱାନ ପୂର୍ବକ ଦେଶର ସୁନାଗରିକ ହେବାକୁ ଆମନ୍ତ୍ରଣ କରିଥିଲେ । ବିବେକାନନ୍ଦ ଲୋକ ସଂସଦ ତରଫରୁ ଆୟୋଜିତ ଚିତ୍ରାଙ୍କନ ପ୍ରତିଯୋଗିତାରେ ସରସ୍ଵତୀ ଶିଶୁ ମନ୍ଦିର, ସେକ୍ଟର ୬, କୁଆଁରମୁଣ୍ଡା, କଚାରୁ ତଥା ବୈଦିକ ବିଦ୍ୟାଳୟ ବେଦବ୍ୟାସର କୃତି ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ବିଭିନ୍ନ ପ୍ରତିଯୋଗିତାରେ ସଭାପତି ଭବେଶ ଚନ୍ଦ୍ର ସାହୁ ଓ ସମ୍ପାଦକ ଉମାକାନ୍ତ ପଣ୍ଡାଙ୍କ ଦାୟିତ୍ଵରେ ଏହି କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା । ପ୍ରତ୍ୟକ୍ଷ ଭାବେ ଅଭିଭାବକମାନେ ମଧ୍ୟ ଯୋଗଦାନ କରି ଏ ସଂଗଠନର କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ପ୍ରଥମେ ଚିନ୍ମୟ ବିଦ୍ୟାଳୟର ଛାତ୍ରଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ତଥା ଶାନ୍ତି ପାଠ କରିଥିଲେ । ପରିଶେଷରେ ସୁଶାନ୍ତ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ । ଏଥିରେ ଗୌରୀ ନାଗ, ନିରୁପମା ମହାପାତ୍ର ତଥା ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ ।