ଭବାନୀପାଟଣା, (ପି.କେ.ସାହୁ) : ଭବାନୀପାଟଣା ବ୍ଲକ ଗଣ୍ଡବାରାଝୋଲା ଗାଁର ଭଗବାନ ମାଝୀ ଜଣେ ଦିବ୍ୟାଙ୍ଗ ହୋଇ ମଧ୍ୟ ନିଜେ ସ୍ୱାବଳମ୍ବି ହୋଇ ନିଜର ସ୍ତ୍ରୀ ଉଲ୍ଲାସ ମାଝୀ ଓ ଦୁଇ ପୁଅଙ୍କ ସହ ବେଶ ହସ ଖୁସିରେ ପରିବାର ସହ ରହୁଥିଲେ । ସେ ନିଜେ ନିଜ ଚାଷ ଜମିରେ ଚାଷ କରି ପରିବାର ପ୍ରତିପୋଷଣ କରୁଥିଲେ । ହେଲେ ଗତ ୨୦୨୦ରେ ପ୍ରବଳ ଜ୍ୱର ହୋଇ ତାଙ୍କର ଦେହାନ୍ତ ହୋଇଥିଲା । ତଥାପି ତାଙ୍କର ସ୍ତ୍ରୀ ଦୁଇ ଛୁଆଙ୍କୁ ବେଶ ଖୁସିରେ ରଖିବାକୁ ଚେଷ୍ଟା କରୁଥିବା ବେଳେ ଆର୍ଥିକ ଅସୁବିଧା ତାଙ୍କର ମୁଖ୍ୟ ସମସ୍ୟା ଥିଲା । ଏହି ସମସ୍ୟା ବିଷୟରେ ସ୍ଥାନୀୟ ଆଶାକର୍ମୀ ପୁଷ୍ପାଞ୍ଜଳି ମାଝୀ ସ୍ୱେଚ୍ଛାସେବୀ ଯଶୋବନ୍ତ ରଣାଙ୍କୁ ଜଣାଇଥିଲେ । ସମସ୍ୟା ବିଷୟରେ ଜାଣିବା ପରେ ସ୍ୱେଚ୍ଛାସେବୀ ଯଶୋବନ୍ତ ରଣା ସେମାନଙ୍କୁ ଜିଲ୍ଲା ଶିଶୁ ସୁରକ୍ଷା ସମିତିଙ୍କ ପାଖରେ ଉପସ୍ଥିତ କରି ସରକାରଙ୍କ ଆଶୀର୍ବାଦ ଯୋଜନାରେ ସାମିଲ କରାଇଥିଲେ । ସରକାରଙ୍କ ନିୟମ ଅନୁସାରେ ଗୁପ୍ତେଶ୍ୱରଙ୍କୁ ମାସିକ ପନ୍ଦର ଶହ ଟଙ୍କା ମିଳିବ । ଏହି ସବୁ ସୁବିଧା ପାଇବା ଜାଣି ଉଲ୍ଲାସ ମାଝୀ ସ୍ୱେଚ୍ଛାସେବୀ ଯଶୋବନ୍ତ ରଣା ଆଶାକର୍ମୀ ପୁଷ୍ପାଞ୍ଜଳି ମାଝୀଙ୍କୁ ଧନ୍ୟବାଦ ଜଣାଇଛନ୍ତି ।