ଜୟପାଟଣା, (ଶେଷଦେବ ବେହେରା) : ବୁଧବାର ସକାଳ ୭ ଘଣ୍ଟା ୩୦ ମିନିଟ୍ ସମୟରେ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଜୟପାଟଣା ପରିସରରୁ ୨୦୨୫-୨୬ ଶିକ୍ଷାବର୍ଷ ପାଇଁ ଶିକ୍ଷାରଥର ଶୁଭ ଉଦ୍ଘାଟନ ମହାସମାରୋହରେ ହୋଇଯାଇଛି । ଏହି ଶିକ୍ଷାରଥର ଉଦ୍ଘାଟନ ମାନନୀୟ ତହସିଲଦାର ଜୟପାଟଣା ରଘୁନାଥ ମୁଣ୍ଡାରୀଙ୍କ କରକମଳରେ ହୋଇଥିବାବେଳେ ଅନ୍ୟତମ ଅତିଥି ଭାବେ ଜିଲ୍ଲା ପରିଷଦ ଜୋନ୍ ୩ର ପ୍ରତିନିଧି ଦିଲ୍ଲୀପ ରାଉତ, ଗୋଷ୍ଠୀ ଶିକ୍ଷା ଅଧିକାରୀ ପ୍ରେମନାରାୟଣ ପଣ୍ଡା, ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ସୁରେନ୍ଦ୍ର ମୋହନ ଯୋଷୀ ତଥା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ପୂର୍ଣ୍ଣଚନ୍ଦ୍ର ପଣ୍ଡା ପ୍ରମୁଖ ଯୋଗଦାନ ଦେଇଥିଲେ । ଶିକ୍ଷାର ପ୍ରଚାର ପ୍ରସାର କ୍ଷେତ୍ରରେ ଶିକ୍ଷାରଥ ବହନ କରୁଥିବା ବାର୍ତ୍ତାକୁ ଜୟପାଟଣା ଗୋଷ୍ଠୀ ଶିକ୍ଷା ଅଧିନରେ ଥିବା ସମସ୍ତ ବିଦ୍ୟାଳୟକୁ ପହଞ୍ଚାଇବା ହେଉଛି ଏହାର ମୂଳ ଲକ୍ଷ୍ୟ ଗୋଷ୍ଠୀସାଧନ କେନ୍ଦ୍ର ସଂଯୋଜକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପ୍ରସ୍ତୁତ ହୋଇଥିବା ଏହି ରଥର ସାଜସଜ୍ଜା ତଥା ସୁପରିଚାଳନା ପାଇଁ ସମସ୍ତ ୧୨ ଟି କ୍ଲଷ୍ଟରର ଆଞ୍ଚଳିକ ସାଧନ କେନ୍ଦ୍ର ସଂଯୋଜକମାନେ ସହଯୋଗ ପ୍ରଦାନ କରିଥିଲେ ।