ଭୁବନେଶ୍ୱର, (କେପିଏନ୍ଏସ୍) : ଓଡିଶା ଲଳିତ କଳା ଏକାଡେମୀ ତରଫରୁ ପ୍ରଖ୍ୟାତ ଚିତ୍ରଶିଳ୍ପୀ ସ୍ୱର୍ଗତ ମୂରଲୀଧର ଟାଲିଙ୍କ ଜୟନ୍ତୀ ଉତ୍ସବ ଓଡିଶା ଲଳିତ କଳା ଏକାଡେମୀ କାର୍ଯ୍ୟାଳୟରେ କୋଭିଡ୍ ଗାଇଡ୍ଲାଇନ୍ ଅନୁପାଳନରେ ଅନୁଷ୍ଠିତ ହୋଇଯାଇଛି । ଏଥିରେ ଓଡିଶାର ଲଳିତ କଳା ଏକାଡେମୀର ସଭାପତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଓ ଏକାଡେମୀର ପଦସ୍ଥ ଅଧିକାରୀ ଓ ବିଶିଷ୍ଠ ଚିତ୍ରଶିଳ୍ପୀମାନେ ଯୋଗଦେଇ ସ୍ୱର୍ଗତ ଟାଲିଙ୍କର ଓଡିଶାରେ ଚିତ୍ରକଳାର ସାମଗ୍ରୀକ ଉନ୍ନତି ତଥା ବିକାଶ କ୍ଷେତ୍ରରେ ତାଙ୍କର ଅବଦାନ ଅତୁଳନୀୟ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ଏକାଡେମୀ ଦ୍ୱାରା ପ୍ରସ୍ତୁତ ଦିବଙ୍ଗତ ଶିଳ୍ପୀ ଡ. ଟାଲିଙ୍କର ବୃତ୍ତ ଚିତ୍ର (ଡୋକ୍ୟୁମେଣ୍ଟାରୀ ଫିଲ୍ମ) ମଧ୍ୟ ପ୍ରସାରିତ ହୋଇଥିଲା ।