ମ.ରାମପୁର, (ହେମନ୍ତ ସାହୁ) : ଡକ୍ଟର ଆମ୍ବେଦକରଙ୍କ ୧୩୨ତମ ଜୟନ୍ତୀ ମ.ରାମପୁର ଅନ୍ତର୍ଗତ ଜୟନ୍ତୀ ନଗରପଡାଠାରେ ଦମ୍ବ ବିକାଶ ପରିଷଦର ସଭାପତି ବୃନ୍ଦାବନ ନାଗଙ୍କ ସଭାପତିତ୍ୱରେ ଅନୁଷ୍ଠିତ ହେଇଯାଇଛି । ଏଥିରେ ମୁଖ୍ୟ ଅତିଥି ଭାବେ ସହ ଗୋଷ୍ଠୀ ଶିକ୍ଷା ଅଧିକାରୀ ଜୟସେନ୍ ନିଆଲ, ମୁଖ୍ୟବକ୍ତା ଆନନ୍ଦ ମହାନନ୍ଦ, ସମ୍ମାନିତ ଅତିଥି ଆଦର୍ଶ ବିଦ୍ୟାଳୟ ଅଧକ୍ଷ ସଙ୍କୀର୍ତ୍ତନ ବେହେରା, ମ.ରାମପୁର ପଞ୍ଚାୟତ ସଭାପତି ଡୋଲେଶ୍ୱର ନାଏକ ଉପସ୍ଥିତ ଥିଲେ । କୋଷାଧ୍ୟକ୍ଷ ଗୁପ୍ତେଶ୍ୱର ବିଭାର ମଞ୍ଚ ପରିଚାଳନା କରିଥିବା ବେଳେ ପ୍ରାରମ୍ଭିକ ସୂଚନା ତ୍ରିଲୋଚନ ସୁନା ଏବଂ ସ୍ୱାଗତ ଅଭିଭାଷଣ ପୂର୍ବତନ ସରପଞ୍ଚ ଚିତ୍ତ ରଞ୍ଜନ ବାଗ ପ୍ରଦାନ କରିଥିଲେ । ପ୍ରାରମ୍ଭରେ ଅନୁଷ୍ଠାନର ସଦସ୍ୟାମାନେ ସ୍ୱାଗତ ସଙ୍ଗୀତ ପରିବେଷଣ କରିଥିଲେ ।