ରାଉରକେଲା, (ସସ୍ମିତା ପ୍ରଧାନ) : ରବିଦାସ ସମାଜ ପରିଷଦ ତରଫରୁ ସଂକ୍ରାନ୍ତି ଓ ଡକ୍ଟର ଭୀମ ରାଓ ଆମ୍ବେଦକରଙ୍କ ୧୩୨ତମ ଜୟନ୍ତୀ ମୋଚିଟୋଲା ଗ୍ରାମ ଟିକେଲାଲ ମେହେରଙ୍କ ବାସ ଭବନରେ ପାଳନ କରାଯାଇଛି । ଏଥିରେ ପରିଷଦ ସଭାପତି ଟିକଲାଲ ମେହେର ସଭାପତିତ୍ବ କରି ସମସ୍ତଙ୍କୁ ସ୍ବାଗତ ଜଣାଇଥିଲେ । ପରିଷଦର ଆବାହକ ମାଳତୀ ମେହେର ପାଳନର ସମ୍ୟକ ସୂଚନା ଦେଇଥିବା ବେଳେ ମୁଖ୍ୟବକ୍ତା ଯୁବ କବି ପ୍ରଶାନ୍ତ ମେହେର ବିଷୁବ ସଂକ୍ରାନ୍ତି ଓ ଆମ୍ବେଦକର ଜୟନ୍ତୀର ବ୍ୟାଖା କରିଥିଲେ । ଏହି ଅବସରରେ ମୁଖ୍ୟ ଅତିଥି ଭାବେ ସତ୍ୟନାରାୟଣ ମେହେର ଯୋଗ ଦେଇଥିଲେ । ରଞ୍ଜନ ମେହେର, ମାଳତୀ ମେହେର, ସରସ୍ଵତୀ ମେହେର, ପ୍ରଶାନ୍ତ ମେହେର ପ୍ରମୁଖ ଉପସ୍ଥିତ ଥିବା ବେଳେ ଶେଷରେ ଟିକେଲାଲ ମେହେର ଧନ୍ୟବାଦ ଅର୍ପଣ କରିଥିଲେ ।