ରାଉରକେଲା, (ସସ୍ମିତା ପ୍ରଧାନ) : ସାମାଜିକ ଅନୁଷ୍ଠାନ ଅନ୍ୱେଷା ତରଫରୁ ୯୩ତମ ସାମୁହିକ ଜନ୍ମ ଦିବସ ପାଳନ ରେଲୱେ କଲୋନୀ ସ୍ଥିତ ଶାନ୍ତି ଭବନଠାରେ ପାଳିତ ହୋଇଯାଇଛି । ଅନ୍ୱେଷାର ଅଧ୍ୟକ୍ଷ ରାଜେନ୍ଦ୍ର ପଣ୍ଡାଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବେ ରୋଟାରୀଆନ ପ୍ରଶାନ୍ତ କୁମାର ପାତ୍ର, ଇନର ହୁଇଲ କ୍ଲବ ରାଉରକେଲା ମିଡଟାଉନର ସଭାପତି ସୌଦାମିନୀ ସିଂ, ସମାଜସେବୀ ପିଏନ୍ବିର ସଂଜୀବ ନାୟକ, ରବର୍ଟ ହାଇଫିଲ, ସୁମତି ନାୟକ ଓ ଦିବାକର ଦାସ ପ୍ରମୁଖ ଉପସ୍ଥିତ ରହି ଏଭଳି ନିଆରା କାର୍ଯ୍ୟକ୍ରମକୁ ପ୍ରଶଂସା କରିବା ସହ ଏହା ଅନ୍ୟମାନଙ୍କ ପାଇଁ ଉଦାହରଣ ହୋଇଛି ବୋଲି କହିଥିଲେ । ଏହି ମାସରେ ଜନ୍ମଗ୍ରହଣ କରିଥିବା ଶାନ୍ତି ଭବନର ଅନ୍ତେବାସୀଙ୍କ ସହ ସମସ୍ତେ କେକ୍ କାଟିବା ସହ ସମସ୍ତଙ୍କ ମଧ୍ୟରେ ଖାଦ୍ୟ ବଣ୍ଟନ କରାଯାଇଥିଲା । ସେହିପରି ପୂର୍ବାହ୍ନରେ ସେକ୍ଟର ୮ସ୍ଥିତ ଆଶାର ଆଲୋକ ଠାରେ ଅନୁଷ୍ଠାନ ତରଫରୁ ମାଗଣା ହାଟ ସହ ସମସ୍ତଙ୍କ ମଧ୍ୟରେ ଜଳଖିଆ ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମ ପରିଚାଳନାରେ ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ଚନ୍ଦ୍ରଶେଖର ଶତପଥୀ, ମୂରଲୀ ପଟ୍ଟନାୟକ, ରଣଜିତ ପଟ୍ଟନାୟକ ଓ ସତ୍ୟମ ମୋଦକ ପ୍ରମୁଖ ସହଯୋଗ କରିଥିଲେ । ଶେଷରେ ଶ୍ରୀ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।