ଟିଟିଲାଗଡ଼, (ସଞ୍ଜୟ କୁମାର ନାୟକ) : ପ୍ରତିବର୍ଷ ଜାନୁଆରୀ ୧୩ ତାରିଖକୁ ସାରା ବିଶ୍ୱରେ ଥିବା ସମସ୍ତ ଲାୟନ୍ସ କ୍ଲବ ତରଫରୁ ପ୍ରତିଷ୍ଠାତା ମେଲ ଭିନ ଜୋନସଙ୍କ ଜନ୍ମ ଦିବସ ପାଳନ କରଯାଏ । ଏହି ପରିପ୍ରେକ୍ଷୀରେ ଟିଟିଲାଗଡ଼ ଲାୟନ୍ସ ଡେନ ଠାରେ କ୍ଲବ ସଭାପତି ଗଙ୍ଗାଧର ଶର୍ମାଙ୍କ ସଭାପତିତ୍ୱରେ କେକ୍ କାଟି ମେଲଭିନ ଜୋନସଙ୍କ ଜନ୍ମ ଦିବସ ପାଳନ କରାଯାଇଥିଲା । ଏହି ଅବସରରେ ମେଲଭିନ୍ ଜୋନସଙ୍କ ଅବଦାନ ବିଷୟରେ କ୍ଲବର ପୁରାତନ ସଦସ୍ୟ ଲିଲାଧର ଶର୍ମା, ଈଶ୍ୱର ଜୈନ, ପିଡିଜି ଜମୁନା ପ୍ରସାଦ ଗୋୟଲ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ୧୦ବର୍ଷ, ୨୫ ବର୍ଷ ଓ ୪୦ ବର୍ଷରୁ ଉର୍ଦ୍ଧ୍ଵ ସମୟ ଦେଇ ସେବାକାର୍ଯ୍ୟ ପ୍ରଦାନ କରିଥିବା ସଦସ୍ୟଙ୍କ ପାଇଁ ଆସିଥିବା ଅନ୍ତର୍ଦେଶୀୟ ପିନ୍ ପ୍ରଦାନ କରାଯାଇଥିଲା । କ୍ଲବ ସମ୍ପାଦକ ଆବାସ ଖାଁ, ମାର୍କେଟିଂ ଚେୟାର ପର୍ସନ ସଞ୍ଜୟ କୁମାର ନାୟକ, ପୂର୍ବତନ ସଭାପତି ଲିଙ୍ଗରାଜ ସାହୁ, ଦୀପକ ପୃଷ୍ଟି, ବିନ୍ଦୁ ସାହୁ, ଲାୟନ ଅଜିତ ପାତ୍ର, ପଙ୍କଜ ନାମଦେବ, ଲିଓ ଶୁଭୋଦ୍ଵୀପ ସାମନ୍ତ, ଅଙ୍କିତ ଗୁପ୍ତା ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ସାହାଯ୍ୟ କରିଥିବା ବେଳେ ଅନ୍ୟାନ୍ୟ ସଦସ୍ୟମାନେ ଉପସ୍ଥିତ ଥିଲେ ।