ବଲାଙ୍ଗିର, (କେପିଏନ୍ଏସ୍) : ୮୨ ବର୍ଷରେ ପାଦ ଦେଇଛନ୍ତି ବଳିଷ୍ଠ ଜନନେତା ନରସିଂହ । କଂଗ୍ରେସ ବିଧାୟକ ଦଳ ନେତା ତଥା ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ଜନ୍ମ ଦିନ ଅବସରରେ ବହୁ ବିଶିଷ୍ଟ ବ୍ୟକ୍ତି ତଥା ଅନୁଷ୍ଠାନ ପକ୍ଷରୁ ଶୁଭେଚ୍ଛା ପ୍ରଦାନ କରାଯିବା ସହ ତାଙ୍କ ଦୀର୍ଘାୟୁ କାମନା କରାଯାଇଛି ।
ସାରା ଓଡ଼ିଶାରେ ବେଶ୍ ପରିଚିତ ଜନନେତା ଶ୍ରୀ ମିଶ୍ର ଜଣେ ବିଚକ୍ଷଣ ଆଇନଜୀବୀ । ଗରିବ, ଖଟିଖିଆ ତଥା ଚାଷୀମାନଙ୍କ ସାଥୀ ଭାବେ ବେଶ୍ ଜଣାଶୁଣା । ଜାତିବାଦର ପ୍ରବଳ ବିରୋଧୀ ସେ । ସାମାଜିକ ନ୍ୟାୟର ବିରଳ ବ୍ୟକ୍ତିତ୍ୱ, ବିକଶିତ ଓଡ଼ିଶାର ସ୍ୱପ୍ନକୁ ସାକାର କରିବାକୁ ସବୁବେଳେ ଉଦ୍ୟମ କରୁଥିବା ଜଣେ ବିରଳ ବିଜ୍ଞ ଜନନେତା ଶ୍ରୀ ମିଶ୍ରଙ୍କ ପାଖକୁ ଓଡ଼ିଶାର କୋଣ ଅନୁକୋଣରୁ ଜନ୍ମଦିନ ଅବସରରେ ଶୁଭେଚ୍ଛାର ସୁଅ ଛୁଟୁଛି ।
ମାନବ ଜୀବନକୁ ସାର୍ଥକ କରିବା ତଥା ଅନ୍ୟମାନଙ୍କ ପାଇଁ ଜୀବନ ବଂଚିବାର ମହାନ୍ ଆଦର୍ଶ ତାଙ୍କ ଭିତରେ ବେଶ୍ ସମୃଦ୍ଧ । ଏଭଳି ପ୍ରଚଣ୍ଡ ମାନବୀୟ ପ୍ରତିଭାର ଅଧିକାରୀ ଶ୍ରୀ ମିଶ୍ରଙ୍କୁ ତାଙ୍କ ଜନ୍ମଦିନ ଅବସରରେ ‘କୋଶଳ ପ୍ରବାହ’ ପରିବାର ପକ୍ଷରୁ ଅନେକ ଅନେକ ଶୁଭେଚ୍ଛା ଓ ଅଭିନନ୍ଦନ ।