କୋରାପୁଟ : କୋରାପୁଟ ଜିଲ୍ଲା ନନ୍ଦପୁର ଅଞ୍ଚଳରୁ ଗତକାଲି ୨ କ୍ୱିଣ୍ଟାଲ ୧୪ କେଜି ୭ ଶହ ଗ୍ରାମ ଚନ୍ଦନ କାଠ ପାଡୁଆ ପୋଲିସ ଜବତ କରିଥିବା ଜଣାପଡିଛି । ସୂଚନା ଅନୁଯାୟୀ, ପଶ୍ଚିମବଙ୍ଗକୁ ଚାଲାଣ କରିବା ପାଇଁ ଡଙ୍ଗା ଯୋଗେ ନନ୍ଦପୁରର ଚମ୍ପାପୁଟ କୁଲାରସିଂ ନଦୀଘାଟକୁ ଅଣାଯାଇ ଏହି ଚନ୍ଦନ କାଠ ଏକ ପିକ୍ଅପ୍ ଭ୍ୟାନ୍ (ଓଡି ୧୦ଏଫ୍-୮୩୦୦)ରେ ରଖାଯାଉଥିଲା । ଏନେଇ ସୂଚନା ପାଇ ପାଡୁଆ ଥାନା ଅଧିକାରୀ ସବ୍ୟାସାଚୀ ଶତପଥୀଙ୍କ ନେତୃତ୍ୱରେ ଏକ ଟିମ୍ ବଡ଼ିି ଭୋରରୁ ଡଙ୍ଗା ଘାଟରେ ଚଢାଉ କରିଥିଲେ । ସେଠାରେ ୭ଟି ବସ୍ତାରେ ଥିବା ଚନ୍ଦନ କାଠକୁ ଜବତ କରାଯାଇଥିଲା । ପରେ ଏହାକୁ ପାଡୁଆ ଥାନାକୁ ଅଣାଯାଇ ସେଠାରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଓଜନ କରାଯାଇଥିଲା ବୋଲି ନନ୍ଦପୁର ଏସ୍ଡିପିଓ ସଞ୍ଜୟ ମହାପାତ୍ର ସୂଚନା ଦେଇଛନ୍ତି । ଜବତ ଚନ୍ଦନ କାଠର ବଜାର ମୂଲ୍ୟ ୧୨ ଲକ୍ଷ ଟଙ୍କା ହେବ । ଏନେଇ ପାଡୁଆ ଥାନାରେ ୮୩/୨୨ ଧାରା ୩୭୯ ଏବଂ ୩୪ ଆଇପିସି ଓ ଆରଡବ୍ଲ୍ୟୁ ୫୫ଇ ଓଡିଶା ଫରେଷ୍ଟ ଆକ୍ଟରେ ମାମଲା ରୁଜ ହୋଇ ଘଟଣାର ଅଧିକ ତଦନ୍ତ ଜାରି ରହିଛି ।