ଟିଟିଲାଗଡ଼, (ସଞ୍ଜୟ କୁମାର ନାୟକ) : ବୁଧବାର ରାତିରେ ଟିଟିଲାଗଡ଼ ପୋଲିସ ବିଶ୍ଵସ୍ତ ସୂତ୍ରରୁ ଖବର ପାଇ ଗୋଟିଏ ଟ୍ରକ (ସିଜି ୦୪ପିଶି ୪୭୮୯)ରେ ଗୁଟଖା ଯୋଗାଣ ହେଉଥିବା ଖବର ପାଇ ଏସ୍ଡିପିଓ ଶ୍ରୀମତୀ ଅଙ୍କିତା କୁମ୍ଭାରଙ୍କ ନିର୍ଦ୍ଦେଶ କ୍ରମେ ଗାଡ଼ିକୁ ପିଛା କରିଥିଲେ । ଟ୍ରେନ ଯୋଗେ ବାହାର ରାଜ୍ୟକୁ ଟ୍ରେନ ଯୋଗେ ଚାଲାଣ ହୋଇଥାନ୍ତା । ରେଳବାଇ ଷ୍ଟେସନ ସାମ୍ନାରେ ଟ୍ରକ ଛିଡ଼ା ହେବା ପରେ ଆର୍ପିଏଫ୍କୁ ଖବର ଦେବା ପରେ ଗାଡି ଯାଞ୍ଚ କରିବାରୁ ଟ୍ରକ ଭିତରୁ ୧୧୫ ବସ୍ତା ଗୁଟଖା ବାହାରିଥିବା ଦେଖି ଟିଟିଲାଗଡ଼ ପୋଲିସ ଷ୍ଟେସନକୁ ଅଣା ଯାଇଥିଲା । ଜିଏସ୍ଟି, ଫୁଡ୍ ଇନିସପେକ୍ଟରଙ୍କୁ ଖବର ଦେବା ପରେ ଥାନାକୁ ଆସି ସାମ୍ପଲ ନେଇ ଯାଇଛନ୍ତି । ଏନେଇ ଥାନାରେ ଏକ ମାମଲା ରୁଜୁ ହୋଇଥିବା ଥାନାଧିକାରୀ ଅବନୀ ସାହୁ ସୂଚନା ଦେଇଛନ୍ତି । ଗୁଟୁଖାର ଆନୁମାନିକ ମୂଲ୍ୟ ତିରିଶ ଲକ୍ଷ ଟଙ୍କା ହେବ ବୋଲି ଜଣାପଡିଛି ।