ତୁରୁମୁଙ୍ଗା : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥର ଖିରେଇଟାଙ୍ଗିରି ନିକଟରୁ ବିଳମ୍ବିତ ରାତିରେ ପଶ୍ଚିମବଙ୍ଗରୁ ଗୋରୁ ଚାଲାଣ କରୁଥିବା ଏକ ମିନି ଟ୍ରକ୍କୁ ତୁରୁମୁଙ୍ଗା ପୋଲିସ ଜବତ କରିଥିବା ଜଣାପଡିଛି । ଜବତ ଟ୍ରକ୍ରୁ ୨୨ଟି ଗୋରୁ ଉଦ୍ଧାର କରାଯାଇଥିବା ବେଳେ ୩ ଜଣଙ୍କୁ ଅଟକ ରଖିଛି ପୋଲିସ୍ ।
ସୂଚନା ଅନୁସାରେ ପୂର୍ବରୁ ସୂଚନା ପାଇ ଖିରେଇଟାଙ୍ଗିରୀ ନିକଟରେ ପୋଲିସ ଛକି ରହିଥିଲା । ୪ଟି ଗାଡିରେ ଗୋରୁ ଚାଲାଣ ହେଉଥିବା ବେଳେ ସେଠାରେ ପୋଲିସ ଗୋଟିଏ ଗାଡିକୁ ଜବତ କରିବାରେ ସକ୍ଷମ ହୋଇଥିଲା । ତେବେ ସମସ୍ତ ଗୋରୁ ଗୁଡିକ ଥାନା ପରିସରରେ ରଖାଯାଇଥିବା ବେଳେ ସେଥିରୁ ୨ଟି ଗୋରୁ ଗୁରୁତର ଆହତ ହୋଇଥିବା ଜଣାପଡିଛି ।