ପେଟ୍ରୋଲିଂ ସମୟରେ ଖର୍ସେଲ୍ ସଂରକ୍ଷିତ ଜଙ୍ଗଲ ଭିତରେ ୮୦ କ୍ୱିଣ୍ଟାଲ୍ ସବୁଜ ଜାଲେଣି କାଠ ବୋଝେଇ ୨ଟି ଟ୍ରାକ୍ଟର ଜବତ୍ କଲା ବଲାଙ୍ଗିର ବନ ବିଭାଗ
ବଲାଙ୍ଗିର, (କେପିଏନ୍ଏସ୍) : ପେଟ୍ରୋଲିଂ ସମୟରେ ଗତକାଲି ରାତି ପ୍ରାୟ ସାଢେ ୭ଟା ସମୟରେ ଖର୍ସେଲ୍ ସଂରକ୍ଷିତ ଜଙ୍ଗଲ ଭିତରେ ବଲାଙ୍ଗିର ବନ ବିଭାଗ ପ୍ରାୟ ୮୦ କ୍ୱିଣ୍ଟାଲ୍ ସବୁଜ ଜାଲେଣି କାଠ ବୋଝେଇ ୨ଟି ଟ୍ରାକ୍ଟର ଜବତ୍ କରିବା ସହ ୪ ଜଣଙ୍କୁ ଗିରଫ କରିଥିବା ଜଣାପଡ଼ିଛି । ଜବତ୍ ୨ ଟ୍ରାକ୍ଟର ନଂ ହେଲା ଓଡ଼ି ୦୩ଆର୍ ୧୦୭୩ ଏବଂ ଓଡ଼ି ୦୩ଜେ ୩୪୦୩ । ଏଥି ସହିତ ଅଭିଯୁକ୍ତମାନଙ୍କ ଠାରୁ ଓଡ଼ି ୦୩ଜି ୧୫୪୨ ନମ୍ବର ବିଶିଷ୍ଟ ଏକ ବଜାଜ୍ ସିଟି ୧୦୦ ମୋଟର୍ ସାଇକେଲ୍ ମଧ୍ୟ ବନ ବିଭାଗ ପକ୍ଷରୁ ଜବତ୍ ହୋଇଥିବା ସୂଚନାରେ କୁହାଯାଇଛି । ଗିରଫ ଅଭିଯୁକ୍ତମାନେ ଖପ୍ରାଖୋଲ ଏବଂ ବେଲପଡ଼ା ଥାନା ଅଂଚଳର ହୋଇଥିବା ବେଳେ ସେମାନଙ୍କ ନାମ ଦୁର୍ଯ୍ୟୋଧନ ମେହେର, ରତ୍ନାକର ଧରୁଆ, ପିଙ୍କୁ ଭୁଏ ଓ ମିଲନ୍ ବରିହା ବୋଲି ଜଣାପଡ଼ିଛି । ବଲାଙ୍ଗିର ରେଂଜର କେଶବ କିଶୋର ନାଏକଙ୍କ ନିର୍ଦ୍ଦେଶରେ ଫରେଷ୍ଟର ବ୍ୟାସଦେବ ସାହୁ, ଫରେଷ୍ଟ ଗାର୍ଡ ରଂଜିତ କୁମ୍ଭାର, ଅଶୋକ ସେଠ୍ ଏବଂ ପାରା ଷ୍ଟାଫ୍ ଏହି ଚଢ଼ାଉ ବେଳେ ସାମିଲ୍ ଥିଲେ ।