ସମ୍ବଲପୁର : ସମ୍ୱଲପୁରର ବୁର୍ଲା ଥାନା ଅଞ୍ଚଳର ଗୋଡ଼ଭଗା ଛକ ଠାରେ ଏକ ଅଭାବନୀୟ ଘଟଣା ଘଟିଛି । ସୂଚନା ଅନୁସାରେ ସମ୍ବଲପୁର ଗୋଡ଼ଭଗା ଛକ ଜାତୀୟ ରାଜପଥ ପାର୍ଶ୍ୱରେ କିନ୍ନରଙ୍କୁ ଧାରୁଆ ଅସ୍ତ୍ରରେ ତଣ୍ଟି କାଟି ହତ୍ୟା କରାଯାଇଥିବା ଜଣାପଡ଼ିଛି । ଖବରପାଇ ବୁର୍ଲା ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ଲାଗି ବୁର୍ଲା ବଡ଼ ମେଡିକାଲ୍ ପଠାଇଥିବା ବେଳେ ଘଟଣାସ୍ଥଳରୁ ଏକ ସ୍କୁଟି (ଓଡି-୧୫-ପି-୭୭୪୯)କୁ ଉଦ୍ଧାର ହୋଇଛଇ । ସ୍କୁଟିରୁ ଏକ ମୋବାଇଲ୍ ଫୋନ୍, ପର୍ସ ଓ କିଛି ଆପତ୍ତିଜନକ ସାମଗ୍ରୀ ଜବତ କରାଯାଇଛି । ପର୍ସରୁ ୬ ହଜାର ୭୦ ଟଙ୍କା ଜବତ କରାଯାଇଥିବା ସୂଚନା ମିଳିଛି ।