ଫୁଲବାଣୀ : କନ୍ଧମାଳ ଜିଲ୍ଲା ନୂଆଗାଁ ବ୍ଲକ ଗୁଞ୍ଜିବାଡ଼ି ପଞ୍ଚାୟତର ତଡ଼ବାଡ଼ି ଗ୍ରାମ ମୁଖ୍ୟରାସ୍ତା କଡର ଏକ ବୁଦା ମୂଳରୁ ଜଣେ ଯୁବକଙ୍କ ମୃତଦେହ ଜବତ କରାଯାଇଥିବା ଜଣାପଡିଛି । ଯୁବକ ଜଣକ ସାରଙ୍ଗଡ଼ ପଞ୍ଚାୟତ କୁଳପଦର ଗ୍ରାମର ଟଟେ ମଲ୍ଲିକଙ୍କ ବଡ଼ ପୁଅ ପ୍ରଦୀପ ବୋଲି ଜଣାପଡିଛି । ସୂଚନା ଅନୁସାରେ ପ୍ରଦୀପ ତଡ଼ବାଡ଼ି ଗ୍ରାମର ଜଣେ ଝିଅକୁ ଭଲ ପାଉଥିଲେ । କିନ୍ତୁ ଏହି ପ୍ରେମ ସମ୍ପର୍କକୁ ଝିଅର ବଡ଼ ଭାଇ ଯତୀନ ପ୍ରଧାନ ବିରୋଧ କରି ଆସୁଥିଲେ । ଏହାକୁ ନ ମାନିବାରୁ ଯତୀନ ଏକ ଟାଙ୍ଗିଆରେ ଆକ୍ରମଣ କରି ପ୍ରଦୀପଙ୍କୁ ହତ୍ୟା କରଥିଲେ । ଏହାପରେ ସେ ସାରଙ୍ଗଗଡ଼ ଥାନାରେ ଆତ୍ମସମର୍ପଣ କରିଥିଲେ । ଥାନାଧିକାରୀ ବଧୂଲିକା ବିଶ୍ୱାଳ, ଜି. ଉଦୟଗିରି ଏସ୍ଡିପିଓ ଘଟଣାର ତଦନ୍ତ ଚଳାଇଛନ୍ତି । ଏ ନେଇ ନଂ ୯୧/୨୨ରେ ମାମଲା ରୁଜୁ ହୋଇଛି ।