ବରଗଡ଼, (କେପିଏନ୍ଏସ୍) : ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ଥାନା ଅନ୍ତର୍ଗତ ଜେନକେଡା ଗ୍ରାମର କଲୋନୀ ପଡାରେ ପତ୍ନୀର ତଣ୍ଟିକାଟି ସ୍ୱାମୀ ହତ୍ୟା କରିଥିବା ଅଭିଯୋଗରେ ପୋଲିସ ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ଚନ୍ଦ୍ରକାନ୍ତି ସାହୁଙ୍କୁ ରାତିରେ ଧାରୁଆ ଅସ୍ତ୍ରରେ ତଣ୍ଟିକାଟି ସ୍ୱାମୀ ରାମ ସାହୁ ହତ୍ୟା କରିଛି ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଥିବା ପୋଲିସ୍ ସୁତ୍ରରୁ ପ୍ରକାଶ । ରାତିରେ ଦୁଇଜଣ ଶୋଇଥିବା ସମୟରେ ସେ ଏହି କାଣ୍ଡ ଘଟାଇ ଥିବା ଅନୁମାନ କରିଛି ପୋଲିସ୍ । ଶବକୁ ଦେଖିଲେ ଓ ଦୁର୍ଗନ୍ଧରୁ ଦୁଇଦିନ ପୂର୍ବରୁ ହତ୍ୟା କରାଯାଇଥିବା ଅନୁମାନ କରାଯାଉଛି । ଅଭିଯୁକ୍ତ ସ୍ଵାମୀ ଜଣକ ହତ୍ୟା କରି ଫେରାର ହୋଇଯାଇଥିବା ବେଳେ ପାରିବାରିକ କଳହରୁ ହତ୍ୟାକାଣ୍ଡ ହୋଇଥିବା ଜଣାପଡିଛି । ଗାଇସିଲେଟ ପୋଲିସ ସାଇନଣ୍ଟିଫିକ୍ ଟିମ ସହ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।