କେନ୍ଦୁଝର, (କେପିଏନ୍ଏସ୍) : ଏକ ଅଭାବନୀୟ ଘଟଣା ଘଟିଥିବା ବେଳେ ଜଣେ ବିଧବାଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଥିବା ଖବର ମିଳିଛି । କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ୍ ଅନ୍ତର୍ଗତ ଚନ୍ଦ୍ରଶେଖରପୁର ଗ୍ରାମ ପଞ୍ଚାୟତ ବସାସାହିରେ ସ୍ୱର୍ଗତ ରାମ ମୁଣ୍ଡାଙ୍କ ସ୍ତ୍ରୀ ପ୍ରମିଳା ମୁଣ୍ଡା(୪୮)ଙ୍କୁ ହତ୍ୟା କରିବା ପରେ ଦୁର୍ବୃତ୍ତ ତାଙ୍କ ଘରୁ କୁକୁଡା ଏବଂ ଦରକାରୀ କାଗଜପତ୍ର ଚୋରି କରିନେଇଥିବା କୁହାଯାଇଛି । ବାରିଆ ପୁଲିସ ଘଟଣାସ୍ଥଳରେ ମୃତଦେହ ଜବତ କରି ତଦନ୍ତ ଆରମ୍ଭ କରିଥିବା ବେଳେ ସାଇଣ୍ଟିଫିକ୍ ସହାୟତାରେ ପୁଲିସ ଘଟଣାର ଛାନ୍ଭିନ୍ କରିଥିବା ସୂଚନାରେ କୁହାଯାଇଛି ।