ପାଟଣାଗଡ, (ଗୋରେଖନାଥ ବରିହା) : ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ବାଘଝରଣ ଗାଁରେ ହାତୀ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣକ ହେଲେ ସେହି ଗାଁର ବାସନ୍ତୀ ପଟେଲ(୬୫) । ସୂଚନା ଅନୁସାରେ କିଛି ଦିନ ହେଲା ଗନ୍ଧମାର୍ଦ୍ଦନ ପାହାଡ଼ ତଳି ଅଞ୍ଚଳରେ ହାତୀଙ୍କ ଦୌରାତ୍ମ ଦେଖିବାକୁ ମିଳିଛି । ଗତରାତି ସାଢ଼େ ୮ଟା ସମୟରେ ଦୁଇ ଗୋଟି ଦନ୍ତାହାତୀ ବାଘଝରଣ ଗାଁକୁ ପଶି ଯାଇଥିଲେ । ହାତୀକୁ ଦେଖି ଗାଁର ଲୋକମାନେ ଯିଏ ଯୁଆଡେ ଧାଇଁ ପଳାଉଥିଲେ ଠିକ୍ ଏହି ସମୟରେ ବୃଦ୍ଧା ଜଣକ ନିଜ ଘରେ ଥିବା ବେଳେ ସେହି ଦୁଇ ଦନ୍ତାହାତୀ ତାଙ୍କ ଘର ଭାଙ୍ଗିବାକୁ ଉଦ୍ୟମ କରୁଥିଲେ ଏହି ସମୟରେ ବୃଦ୍ଧା ଜଣକ ଜୀବନ ବିକଳରେ ଘରୁ ବାହାରୁଥିବା ସମୟରେ ହାତୀ ହାବୁଡରେ ପଡିଯାଇଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ଲେଖା ହେବା ପର୍ଯ୍ୟନ୍ତ ଘଟଣାସ୍ଥଳରେ ବନକର୍ମଚାରୀ ପୁଲିସ କିମ୍ବା କୌଣସି ପ୍ରସାଶନିକ ଅଧିକାରୀ ପହଞ୍ଚି ନଥିବା ଗ୍ରାମବାସୀଙ୍କଠାରୁ ଜଣାପଡିଛି ।