ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ବ୍ଲକ ଝାରମୁଣ୍ଡା ଆଦର୍ଶ ବିଦ୍ୟାଳୟ ନିକଟରେ ଭାରସାମ୍ୟ ହରାଇ ଦୁଇଜଣ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାଯାଇଛି । ସେଠାରେ ଥିବା ବୁଲାଣି ଠାରେ ବାଇକଟି ଏକ ଗଛରେ ପିଟି ହୋଇଥିଲା । ଆହତ ବ୍ୟକ୍ତିମାନେ ହେଲେ ଲୋଇସିଂହା ବ୍ଲକ କଦଳୀପାଲି ଗ୍ରାମର ପ୍ରଦୀପ ବରିହା(୨୦) ଓ ଆଗଲପୁର ବ୍ଲକ ମନୁପାଲି ଗ୍ରାମର ଜିତୁ ପଧାନ(୨୬) । ଉଭୟଙ୍କୁ ଅଗ୍ନିଶମ ବିଭାଗ ତଥା ପୋଲିସ ସହାୟତାରେ ଉଦ୍ଧାର କରାଯାଇ ପ୍ରଥମେ ପ୍ରାଥମିକ ଚିକିତ୍ସା ପାଇଁ ଲୋଇସିଂହା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ତେବେ ଅବସ୍ଥା ଗୁରୁତର ହେବାରୁ ଉଭୟଙ୍କୁ ବଲାଙ୍ଗିର ଭୀମଭୋଇ ମେଡିକାଲକୁ ସ୍ଥାନାନ୍ତର କରାଯାଇଛି ।