ଖୋର୍ଦ୍ଧା : ପ୍ରେମିକର ଛୁରାମାଡରେ ପ୍ରେମିକା ଗୁରୁତର । ଏଭଳି ଏକ ଘଟଣା ଘଟିଛି ଖୋର୍ଦ୍ଧା ଶିଳ୍ପାଞ୍ଚଳ ଥାନା ବରୁଣେଇରେ । ସୂଚନା ଅନୁସାରେ ଉଭୟ ପ୍ରେମି ଯୁଗଳ ବରୁଣେଇ ବୁଲିବାକୁ ଆସିଥିଲେ । କୌଣସି କାରଣରୁ ବଚସା ହେବା ଫଳରେ ପ୍ରେମିକ ଜଣଙ୍କ ଏଭଳି କାଣ୍ଡ ଘଟାଇଥିବା ସୂଚନା ମିଳିଛି । ତେବେ ଖୋର୍ଦ୍ଧା ମେଡିକାଲରେ ଚିକିତ୍ସା ପରେ ଗୁରୁତର ଯୁବତୀଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ଯୁବତୀ ଜଣଙ୍କ ତମାଣ୍ଡୋ ନିକଟସ୍ଥ ଏକ ଗାଡି ଶୋ’ ରୁମ୍ର କର୍ମଚାରୀ ବୋଲି ଜଣାପଡିଛି । ଯୁବତୀଙ୍କ ଘର ଯାଜପୁର ଅଞ୍ଚଳରେ ବୋଲି ଜଣାପଡିଛି । ଯୁବକ ଜଣଙ୍କ ଜଟଣୀ ଅଞ୍ଚଳର ବୋଲି ଜଣାପଡିଛି । ଯୁବକକୁ ଧରିବା ପାଇଁ ଶିଳ୍ପାଞ୍ଚଳ ଥାନା ପୋଲିସ ଛାନଭିନ୍ ଜାରି ରଖିଛି ।