ନୂଆପଡ଼ା, (ନିରାକାର ମେହେର) : ଖଡ଼ିଆଳ ନୂଆପଡ଼ା ଜାତୀୟ ରାଜପଥର ବଡ଼ମହେଶ୍ୱର ଗ୍ରାମ ନିକଟରେ ଏକ ବାଇକ୍କୁ ପିକ୍ଅପ୍ ଭ୍ୟାନ୍ ଧକ୍କା ଦେବାରୁ ଗୋଟିଏ ପରିବାରର ୩ ଜଣ ଗୁରୁତର ଆହତ ହୋଇଥିବା ଜଣାପଡିଛି । ସେମାନଙ୍କୁ ଗୁରୁତର ଆହତ ଅବସ୍ଥାରେ ଆମ ଆଦମୀ ପାର୍ଟିର କାର୍ଯ୍ୟକର୍ତ୍ତା ଉଦ୍ଧାର କରି ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରିଛନ୍ତି । ସୂଚନା ଅନୁସାରେ ଖଡ଼ିଆଳ ବ୍ଲକ ପୋଡ଼ାପାଲି ଗ୍ରାମର ହୃଦୟ ମହାନନ୍ଦ ତାଙ୍କର ୨ ପୁଅ ଝିଅଙ୍କୁ ନେଇ ଏକ ବାଇକ୍ରେ କୋମନାରୁ ଖଡ଼ିଆଳ ବ୍ଲକର ପୋଡାପାଲି ଗ୍ରାମକୁ ଆସୁଥିଲେ । ବଡ଼ମହେଶ୍ୱର ଗ୍ରାମ ନିକଟରେ ଦ୍ରୁତ ଗତିରେ ଆସୁଥିବା ଏକ ପିକ୍ଅପ୍ ଭ୍ୟାନ୍ ବାଇକ୍କୁ ଧକ୍କା ଦେଇଥିଲା । ଯାହା ଫଳରେ ବାପା ହୃଦୟ ମହାନନ୍ଦ ଓ ତାଙ୍କର ୨ ଜଣ ପୁଅ ଏବଂ ଝିଅ ଗୁରୁତର ଆହତ ହୋଇଥିଲେ ।