ଚଣ୍ଡିଖୋଲ : ଯାଜପୁର ଜିଲ୍ଲା ଧର୍ମଶାଳ ବ୍ଲକ ଜେନାପୁର ଥାନା ଅଞ୍ଚଳରୁ ବ୍ୟାପକ ଦେଶୀ ମଦ କାରବାର ହେଉଥିବା ବେଳେ ଏନେଇ ଖବର ପାଇବା ପରେ ଯାଜପୁର ଅବକାରୀ ବିଭାଗ ଓ ଜେନାପୁର ପୋଲିସ ପକ୍ଷରୁ ଚଢାଉ କରି ୮୦୦ ଲିଟର ମଦ ଜବତ କରାଯିବା ସହିତ ପ୍ରାୟ ୧୮୦୦ରୁ ଉର୍ଦ୍ଧ୍ଵ ଦେଶୀ ମଦ ପୋଚ ନଷ୍ଟ କରାଯାଇଥିବା ସୂଚନା ମିଳିଛି । ଏହି ବେଆଇନ ମଦ କାରବାରରେ ପୋଲିସ ୩ ଜଣକୁ ଗିରଫ କରିଛି । ସୂଚନା ଅନୁସାରେ ଗିରଫ ହୋଇଥିବା ଅଭିଯୁକ୍ତମାନେ ହେଲେ ଆଳୀଜଙ୍ଗା ଗ୍ରାମର ମହିଳା ସୁକାନ୍ତି ମହାନ୍ତି, କମ୍ପାଲ ଗ୍ରାମର ରବିନ୍ଦ୍ର ସାହୁ ଓ ଗଭା ସାହୁ । ତିନୋଟି ପୃଥକ୍ ପୃଥକ୍ ମାମଲା, କେଶ୍ ନମ୍ୱର -୧୮୩/୧୮୪/୧୮୫-/୨୩ ରୁଜୁ କରି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ଧର୍ମଶାଳା ଅବକାରୀ ଅଧିକାରୀ ସ୍ଵପ୍ନା ରାଣୀ ସାହୁଙ୍କ ନେତୃତ୍ୱରେ ଓ ଆଇସି ଜୟନ୍ତୀ ଆଚାର୍ଯ୍ୟଙ୍କ ମିଳିତ ଭାବେ ଏକ ସ୍ଵତନ୍ତ୍ର ଟିମ୍ ଗଠନ କରି ଚଢ଼ାଉ କରି ଏହି ବେଆଇନ ମଦ କାରବାରକୁ ଧରିବାରେ ସଫଳ ହୋଇଥିଲେ ।