ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ସର୍ଗୁଲ୍ ପଞ୍ଚାୟତ ଚମ୍ପାଡ଼ୁଲି ଗ୍ରାମରେ ଅବକାରୀ ବିଭାଗ ପକ୍ଷରୁ ଚଢଉ କରାଯାଇଥିଲା । ଚଢ଼ଉ ବେଳେ ୮ ଲିଟର ମଦ ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତ ଜଣକ ହେଲେ ଉକ୍ତ ଗ୍ରାମର ସତ୍ୟ ସାହୁ । ପୂର୍ବାହ୍ନ ପ୍ରାୟ ୧୧ଟା ସମୟରେ ଅବକାରୀ ଅଧିକାରୀ ବଲବୀର ଗଡନାୟକ, ଏଏସ୍ଆଇ ଡୋଲାମଣି ପଧାନ, ଏଏସ୍ଆଇ ରିତା ମିଶ୍ର, ଭାଗ୍ୟବାନ କୁମ୍ଭାର ଏବଂ ରିଙ୍କି ସେଠ୍ ପେଟ୍ରୋଲିଂ କରୁଥିଲେ । ତେବେ ସତ୍ୟଙ୍କୁ ଅଟକାଇ ଯାଞ୍ଚ୍ କରିଥିଲେ । ଯାଞ୍ଚ ବେଳେ ସେଠାରୁ ମଦ ବାହାରିଥିଲା । ଏ ନେଇ ବିଭାଗ ପକ୍ଷରୁ ଏକ ମାମଲା ରୁଜୁକରି ତାଙ୍କୁ କୋର୍ଟଚାଲାଣ କରାଯାଇଥିବା ଅବକାରୀ ବିଭାଗ କହିଛି ।