ରାଉରକେଲା, (ସସ୍ମିତା ପ୍ରଧାନ) : ନାରୀ ସଶକ୍ତିକରଣ ଏବଂ ରାଷ୍ଟ୍ର ଜାଗରଣ ଅଭିଯାନ ଉପଲକ୍ଷେ ୪ ଦିନ ବ୍ୟାପି ୨୪ କୁଣ୍ଡୀୟ ଗାୟତ୍ରୀ ମହାଯଜ୍ଞ ସେକ୍ଟର ୨ସ୍ଥିତ ଗାୟତ୍ରୀ ଶକ୍ତିପୀଠ ଠାରେ ଅନୁଷ୍ଠିତ ହୋଇଯାଇଛି । ଏହି ୪ ଦିନିଆ କାର୍ଯ୍ୟକ୍ରମରେ ଉଦିତ ନଗର ରାଧାକୃଷ୍ଣ ମନ୍ଦିରରୁ ଗାୟତ୍ରୀ ଶକ୍ତିପୀଠ ପର୍ଯ୍ୟନ୍ତ କଳସ ଶୋଭାଯାତ୍ରା, ଯୁଗ୍ମ ସଂଗୀତ, ପ୍ରବଚନ ଓ ସାଂସ୍କୃତିକ କାର୍ଯ୍ୟକ୍ରମ, ପ୍ରଜ୍ଞା ଯୋଗ, ଯଜ୍ଞ ସମସ୍ତ ସଂସ୍କାର, କାର୍ଯ୍ୟକର୍ତ୍ତା ଗୋଷ୍ଠୀ, ଯୁଗ ସଂଗୀତ, ନାରୀ ଜାଗ୍ରତ ସମ୍ପର୍କରେ ପ୍ରବଚନ, ଗାୟତ୍ରୀ ମହାଯଜ୍ଞ ଏବଂ ସଂସ୍କାର, ଯୁଗ ସଂଗୀତ, ଗାୟତ୍ରୀ ମହାଯଜ୍ଞ ପୂର୍ଣ୍ଣାହୁତି, ୨୪୦୦ ବେଦୀୟ ଗାୟତ୍ରୀ ମହାଦୀପ ଯଜ୍ଞ ଏବଂ ମହା ପୂର୍ଣ୍ଣାହୁତି ଆଦି କରାଯାଇଥିଲା । ଏହି ଅବସରରେ ଶାନ୍ତିକୁଞ୍ଜରୁ ଆସିଥିବା ମୁଖ୍ୟ ପ୍ରବଚକ ଶେଷଦେବ ବଡାଇକ ଓ ସହ ମୁଖ୍ୟ ପ୍ରବଚକ ରବିକାନ୍ତ ଶାସ୍ତ୍ରୀଙ୍କ ପ୍ରବଚନ ଶୁଣିବା ପାଇଁ ଶ୍ରଦ୍ଧାଳୁଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଥିଲା । ପ୍ରବଚନ ସଂଗୀତରେ ସରୋଜ ପ୍ରଧାନ, ନିତ୍ୟାନନ୍ଦ ହାତୀ, ସୁବାସ ଚୌହାନ ପ୍ରମୁଖ ସହଯୋଗ କରିଥିଲେ । ଏହି ୪ ଦିନିଆ କାର୍ଯ୍ୟକ୍ରମରେ ସହସ୍ରାଧିକ ଭକ୍ତ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ପରିଚାଳନାରେ ମୁଖ୍ୟ ଟ୍ରଷ୍ଟି ନିତ୍ୟାନନ୍ଦ ଦାଶ, ସହ ଟ୍ରଷ୍ଟି ପ୍ରମୋଦ ଅଗ୍ରୱାଲ, ସୁରେନ୍ଦ୍ର ଅଗ୍ରୱାଲ, ଜିଲ୍ଲା ସଂଯୋଜକ କାଶୀନାଥ ପଣ୍ଡା, ସହ ଜିଲ୍ଲା ସଂଯୋଜକ ଅରବିନ୍ଦ ପ୍ରଧାନ, ସମ୍ପାଦକ ଲମ୍ବୋଦର ମହାଳିକ, ପ୍ରଦୀପ୍ତ ରାୟ, ପ୍ରଭାତ ଦାଶ, ଲିଙ୍ଗରାଜ ପ୍ରଧାନ, ରାଜେଶ ରାଜଗଡିଆ, ତ୍ରିଲୋଚନ ମିଶ୍ର ପ୍ରମୁଖ ସହଯୋଗ କରିଥିଲେ । ଅନ୍ୟମାନଙ୍କ ମଧ୍ୟରେ ସୁପ୍ରଭା ଦାସ, ନିର୍ମଳା ସିଂ, ରାମମୋହନ ସାହୁ, ଅନିତା ଜିନ୍ଦଲ, ରାମଚନ୍ଦ୍ର ମହନ୍ତ, ଏକେ ଦେବ, ମୀନୁ ସିଂ, ଫୁଲଦେବୀ, ସରୋଜିନୀ ନାୟକ, ଇନ୍ଦିରା ପାଢ଼ୀ, ସ୍ୱର୍ଣ୍ଣ ସାହୁ, ଟି ଉଷା, ପ୍ରଶାନ୍ତ ନାୟକ, ସୁଶାନ୍ତ ଶତପଥୀ, ରମେଶ ଜେନା, ସତ୍ୟଜିତ ପାଢ଼ୀ, ରାଜେନ୍ଦ୍ର କୁମାର ଦେବ୍, ପ୍ରକାଶ ଜିନ୍ଦଲ ପ୍ରମୁଖ ଉପସ୍ଥିତ ରହି ବିଭିନ୍ନ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
Next Post