ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ର ପରିସରରେ ବରିଷ୍ଠ ସାମ୍ବାଦିକ ପ୍ରମୋଦ କୁମାର ସେଲମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏକ ବ୍ଲକସ୍ତରୀୟ ସାମ୍ବାଦିକ ସଂଘ ଗଠିତ ହୋଇଯାଇଛି । ଉକ୍ତ ବୈଠକରେ ସର୍ବସମ୍ମତି କ୍ରମେ ସଭାପତି ତରୁଣ ବେହେରା, ଉପସଭାପତି ବିଶାଳ କୁମାର ଅଗ୍ରୱାଲ, ସମ୍ପାଦକ ଆଲୋକ କୁମାର ସାହୁ, ସହ ସମ୍ପାଦକ ପ୍ରଦୀପ କୁମାର ବାଗ ମନୋନୀତ ହୋଇଛନ୍ତି । ଏଥିରେ ଉପଦେଷ୍ଟା କମିଟିରେ ସାମ୍ବାଦିକ ଦୟାନିଧି ସାହୁ, ପ୍ରମୋଦ କୁମାର ସେଲମା, ଜୁଲୁ ମହାପାତ୍ର, ସୁଶାନ୍ତ ମେହେର ଓ ରାଖାଲ ଶତପଥିଙ୍କୁ ଚୟନ କରାଯାଇଛି । ଉକ୍ତ ସଂଘ ଏକ ବର୍ଷ ଧରି କାର୍ଯ୍ୟ କରିବ ବୋଲି ସଭାରେ ସିଦ୍ଧାନ୍ତ ନିଆଯାଇଛି । ଏଥିରେ ସାମ୍ବାଦିକ ତଥା ସଦସ୍ୟ ଅବିନାଶ ନନ୍ଦ, ଅଜିତ ସାହୁ, ନାରାୟଣ ସାହୁ, ରଞ୍ଜନ କୁମାର ବାଗ (ଖ), ଗୋକୁଳାନନ୍ଦ ବଗର୍ତ୍ତି ଓ ରଞ୍ଜନ ବାଗ (କ) ପ୍ରମୁଖ ଉପସ୍ଥିତ ଥିଲେ ।