ଲୋଇସିଂହା, (କେପିଏନ୍ଏସ୍) : ଦୁର୍ଘଟଣାଗ୍ରସ୍ତ ଗାଡିରୁ ମିଳିଲା ବସ୍ତା ବସ୍ତା ଗଞ୍ଜେଇ । ସୂଚନା ଅନୁସାରେ ଲୋଇସିଂହା ବସଷ୍ଟାଣ୍ଡ ନିକଟରେ ଏକ ସ୍କର୍ପିଓ ଗାଡ଼ି (ନଂ-ଓଡ଼ି ୧୪ ଏ ୫୦୫୨) ଗତକାଲି ଏକ ସ୍କୁଟିକୁ ଧକ୍କା ଦେଇଥିଲା । ଫଳରେ ସ୍କୁଟିରେ ବସିଥିବା ତିନିଜଣ ସ୍ଥାନୀୟ ଯୁବକ ଆହତ ହୋଇଥିଲେ । ତେବେ ଦୁର୍ଘଟଣା ଘଟିବା ପରେ ସ୍କର୍ପିଓ ଚାଳକ ସମେତ ସେଥିରେ ଥିବା ଦୁଇ ଜଣ ଅଣଓଡ଼ିଆ ବ୍ୟକ୍ତି ଗାଡି ଛାଡି ଫେରାର ହୋଇ ଯାଇଥିଲେ । ଫଳରେ ପୋଲିସର ସନ୍ଦେହ ବଢିଥିଲା । ସ୍କର୍ପିଓ ଗାଡ଼ିରେ କିଛି ପ୍ୟାକେଟ ଥିବା ବେଳେ ସେଥିରେ ଗଞ୍ଜେଇ ଥିବା ନେଇ ପୋଲିସର ସନ୍ଦେହ ଦୃଢ଼ୀଭୂତ ହେବା ପରେ ଉପରିସ୍ଥ ଅଧିକାରୀଙ୍କୁ ସୂଚିତ କରାଯାଇଥିଲା । ମାଜିଷ୍ଟ୍ରେଟ ଦାୟିତ୍ୱରେ ଥିବା ଲୋଇସିଂହା ତହସିଲଦାର ସଂଘମିତ୍ରା କାଲୋ, ବଲାଙ୍ଗିର ସଦର ଏସ୍ଡିପିଓ ତୋଫାନ ବାଗ, ଲୋଇସିଂହା ଆଇଆଇସି ରଶ୍ମିତା ବେହେରାଙ୍କ ଉପସ୍ଥିତିରେ ଗାଡି ଯାଞ୍ଚ କରାଯିବା ପରେ ୯୦ କ୍ୟୁଣ୍ଟାଲ ଗଂଜେଇ ବାହାରିଥିଲା । ଜବତ ଗଂଜେଇର ଆନୁମାନିକ ମୂଲ୍ୟ ସାଢ଼େ ଚାରିଲକ୍ଷ ଟଙ୍କା ହେବା ସହିତ ତାହା ଝାରଖଣ୍ଡକୁ ଚାଲାଣ ହେଉଥଲା ବୋଲି ପୋଲିସ ସୂଚନା ଦେଇଛି ।