କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : କଳାହାଣ୍ଡି ଜିଲ୍ଲା ବୋର୍ଡା ଓ କେଗାଁ ପୋଲିସର ମିଳିତ ଉଦ୍ୟମରେ ସାପସିଲେଟ ଗାଁରୁ ୬୦ କେ.ଜି.ରୁ ଅଧିକ ଗଞ୍ଜେଇ ଜବତ ହୋଇଥିବାବେଳେ ପୋଲିସ ଜଣକୁ ଗିରଫ କରିଛି । ଦୀର୍ଘଦିନ ଧରି ଅଞ୍ଚଳରେ ବେଆଇନ ଭାବେ ଗଞ୍ଜେଇ କାରବାର ହେଉଥିବା ବେଳେ ଅବକାରୀ ବିଭାଗକୁ ଚକମା ଦେଉଥିଲେ ଗଞ୍ଜେଇ ମାଫିଆ । ବିଶେଷ ସୁତ୍ରରୁ ବୋର୍ଡା ପୋଲିସ ଖବର ପାଇ ସାପସିଲେଟ ଗାଁର ବିଜୟ ଛୁରାଙ୍କ ଘରୁ ୬୦.୩ କେ.ଜି. ଗଂଜେଇ ଜବତ କରିବା ସହ ବିୟଜ ଛୁରାଙ୍କୁ ଗିରଫ କରିଛି । ତେବେ ଅନ୍ୟ ଦୁଇ ସମ୍ପୃକ୍ତ ବ୍ୟକ୍ତି ଫେରାର ରହିଛନ୍ତି । ଅତିରିକ୍ତ ଆରକ୍ଷୀ ଅଧିକ୍ଷକ ଆଜିକ୍ୟ ମାଣେ, କେଗାଁ ଥାନା ଓ ବୋର୍ଡା ଫାଣ୍ଡି ପୋଲିସର ସଫଳତାକୁ ପ୍ରଶଂସା କରିବା ସହ ଗଞ୍ଜେଇ ମାଫିଆମାନଙ୍କୁ ଆଗାମୀ ଦିନରେ ଛଡାଯିବ ନାହିଁ ବୋଲି ଚେତାବନୀ ଦେଇଛନ୍ତି । ଅନେକ ସମୟରେ କଳାହାଣ୍ଡି ଜିଲ୍ଲାରେ ପୋଲିସ ଗଞ୍ଜେଇ ଧରୁଥିବାବେଳେ ଅବକାରୀ ବିଭାଗର କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନବାଚୀ ସୃଷ୍ଟି ହେଉଛି ।