ବଲାଙ୍ଗିର ସଦର, (ରାଜେଶ ଦଣ୍ଡସେନା) : ଜଗନ୍ନାଥ ଯୁବ ପରିଷଦ ସରଗାଡ ଆନୁକୁଲ୍ୟରେ ସରଗାଡ ହାଇସ୍କୁଲ୍ ପଡିଆ ଠାରେ ଗଣଦୌଡ ଓ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ୟ୍ୟକ୍ରମରେ କେମିତି ସମସ୍ତେ ସ୍ଵସ୍ଥ ଓ ନିରୋଗୀ ରହିବେ ସେ ବିଷୟରେ ଅନ୍ୟ ମାନଙ୍କୁ ସଚେତନ କରିବା ସଙ୍ଗେ ସଙ୍ଗେ ନିଜେ କେମିତି ସ୍ଵାସ୍ଥ୍ୟ ଓ ନିରୋଗୀ ରହିବା ପାଇଁ ସମସ୍ତେ ଶପଥ ପାଠ କରିଥିଲେ । ଏହି କାର୍ଯ୍ୟକ୍ରମରେ ଶ୍ରୀରାମ କ୍ଲବ୍, ସରଗାଡ ଓ ଯୁବ କଲ୍ୟାଣ ସଂଘ ଉପରବହାଲର ସଭ୍ୟବୃନ୍ଦ ସାହାଯ୍ୟ କରିଥିବା ବେଳେ ଶାରୀରିକ, ମାନସିକ ସୁସ୍ଥତା ସହିତ ଦେଶର ଯୁବପିଢିଙ୍କ ମଧ୍ୟରେ ଜାତୀୟତା ଭାବନା ସୃଷ୍ଟି କରିବା ପାଇଁ ଫିଟ ଇଣ୍ଡିଆ ଫ୍ରିଡ଼ମ ରନ ୨.୦ ର ଶୁଭାରମ୍ଭ ଆଜିଠାରୁ ଗାନ୍ଧୀ ଜୟନ୍ତୀ ପର୍ଯ୍ୟନ୍ତ ଚାଲିବ ବୋଲି ଜଣାପଡିଛି ।