ଭଦ୍ରକ : ଭଦ୍ରକରେ ଆରମ୍ଭ ହୋଇଛି ରାମ ନବମୀର ମାହୋଲ । ସମଗ୍ର ସହର ଗୈରିକମୟ ହୋଇଛି । ଉକ୍ତ ମହୋତ୍ସବର ଆଦ୍ୟପର୍ବ ଭାବେ ଆଜି ମାତୃଭୂମି ପାଇଁ ଗଣଦୌଡ଼ ଅନୁଷ୍ଠିତ ହୋଇଛି । ହଜାର ହଜାର ଯୁବକ, ଯୁବତୀ ଏହି ଗଣଦୌଡ଼ରେ ଭାଗ ନେଇଛନ୍ତି । ଏହା ଜିଲ୍ଲାପାଳଙ୍କ କାର୍ଯ୍ୟାଳୟଠାରୁ ଆରମ୍ଭ ହୋଇ ବାଇପାସ୍ ଜଗନ୍ନାଥ ମନ୍ଦିରଠାରେ ପହଞ୍ଚିଛି ।
ମନମୋହନ ସାମଲ, ଭଦ୍ରକ ବିଧାୟକ ସଞ୍ଜୀବ ମଲ୍ଲିକ୍, ଧାମନଗର ବିଧାୟକ ସୂର୍ଯ୍ୟବଂଶୀ ସୁରଜ, ବିଜେଡି ସମ୍ପାଦକ ଲୁଲୁ ସାମଲ, ନରେନ୍ ପଲାଇ, ଡାକ୍ତର ପ୍ରଦୀପ ନାୟକ, ରାଜୁ ଦାସଙ୍କ ସମେତ ସବୁ ଦଳର ନେତୃମଣ୍ଡଳୀ ଉକ୍ତ ଗଣଦୌଡ଼ରେ ଭାଗ ନେଇଥିଲେ ।