ବରଗଡ଼, (ସତ୍ୟ ନାରାୟଣ ପ୍ରଧାନ) : ଆସନ୍ତା କାଲି ନୂତନ ବସଷ୍ଟାଣ୍ଡରୁ ବସ୍ ଚଳାଚଳ ଆରମ୍ଭ ହେବ । ଏଥିପାଇଁ ବସଷ୍ଟାଣ୍ଡକୁ ରଙ୍ଗ ତୂଳୀରେ ସଜ୍ଜିତ କରାଗଲିଣି । ଏଠାରେ ସୂଚନାଯୋଗ୍ୟ ଯେ, ଗତ ଅଢେ଼ଇ ବର୍ଷ ହେବ ଉକ୍ତ ବସଷ୍ଟାଣ୍ଡ ଉଦ୍ଘାଟିତ ହୋଇ ପଡି ରହିଥିଲା । ନୂତନ ଜିଲ୍ଲାପାଳ ଏହାକୁ ଆରମ୍ଭ କରିବା ପାଇଁ ଗତ ୧୦ ତାରିଖ ଦିନ ପୌର ପରିଷଦ ହଲ୍ ଠାରେ ଏକ ଜରୁରୀକାଳୀନ ବୈଠକ ଡାକିଥିଲେ । ଏଥିରେ ପୌର ଅଧିକାରୀ ଅଧ୍ୟକ୍ଷତା କରିଥିଲେ । ସେହିପରି ଜିଲ୍ଲାପାଳ ତଥା ପୌର ପ୍ରଶାସିକା ମନୀଷା ବାନାର୍ଜୀଙ୍କ ଉପସ୍ଥିତିରେ ଘରୋଇ ବସ ମାଲିକ ସଂଘ ସଭାପତି ଭୀଷ୍ମଦେବ ଦୋରା, ସମ୍ପାଦକ ଶେଖ୍ ନଜିମୁଦ୍ଦିନ ଏବଂ ଉପଦେଷ୍ଟା ଦେବବ୍ରତ ମିଶ୍ର କାର୍ୟ୍ୟକ୍ରମ ସଂପର୍କରେ ବିଶେଷ ଆଲୋଚନା ହୋଇଥିଲା । ଶେଷରେ ଆସନ୍ତା ୨୦ ତାରିଖ ଦିନ ଠାରୁ ନୂତନ ବସଷ୍ଟାଣ୍ଡରୁ ବସ୍ ଚଳାଚଳ ଆରମ୍ଭ ହେବ ବୋଲି ନିଷ୍ପତି ଗ୍ରହଣ କରାଯାଇଥିଲା । ପରେ ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏହାକୁ ଘୋଷଣା କରାଯାଇଥିଲା ।
