ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଜକାବାହାଲି ଗ୍ରାମରେ ଆମ୍ବଗଛ ପଡ଼ି ମଗଶୀର ମାଝୀଙ୍କ ଘର ସଂପୂର୍ଣ୍ଣ ଭାଙ୍ଗିଯାଇଥିବା ବେଳେ କାର୍ତ୍ତିକ ଭୋଇଙ୍କ ଘର ମଧ୍ୟ କ୍ଷତିଗ୍ରସ୍ତ ହେଇଛି । ଏକ ବିଶାଳକାୟ ଆମ୍ବଗଛ ପଡ଼ିଯିବାରୁ ଏଭଳି ଅଭାବନୀୟ ଘଟଣା ଘଟିଥିବା ଦେଖାଯାଇଛି । ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ଆସି ଏହି ବିରାଟକାୟ ଗଛକୁ କାଟି ସଫା କରିଥିଲେ । ତେବେ ସୌଭାଗ୍ୟବଶତଃ ଘରେ ଘରେ କେହି ନଥିବା କାରଣରୁ କାହାର କିଛି ହେଇନାହିଁ । ତେବେ ଦୁଇ କ୍ଷତିଗ୍ରସ୍ତଙ୍କୁ ତହସିଲ ତରଫରୁ ଜରିପାଲ ଯୋଗାଇ ଦିଆଯାଇଛି । ତେବେ ଏମାନଙ୍କୁ ଏବେ ଘର ସଂପୂର୍ଣ୍ଣ ଭାବରେ ତିଆରି କରିବାର ଆବଶ୍ୟକତା ରହିଥିବା ଜଣାଯାଇଛି । ତେଣୁ ଗ୍ରାମବାସୀ ପ୍ରଶାସନର ସହାୟତା ଲୋଡ଼ିଛନ୍ତି ।