ପାଟଣାଗଡ଼, (ଗୋରେଖନାଥ ବରିହା) : ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ମଣ୍ଡଳ ଗ୍ରାମରେ ଜଗନ୍ନାଥ ଦେବ ଫୁଟ୍ବଲ୍ କ୍ଲବ ଆନୁକୂଲ୍ୟରେ ସ୍ଥାନୀୟ ଖେଳ ପଡିଆ ଚାଲିଥିବା ଜଗନ୍ନାଥ ଦେବ ଫୁଟ୍ବଲ୍ ଟୁର୍ଣ୍ଣାମେଣ୍ଟ୍ ଉଦ୍ଯାପିତ ହୋଇଯାଇଛି । ପତ୍ରାପାଲି ଓ ନକଟାସର ମଧ୍ୟରେ ଫାଇନାଲ ମ୍ୟାଚ୍ ଅନୁଷ୍ଠିତ ହେଇଥିଲା । ପତ୍ରାପାଲି ଦଳ ନକଟାସର ଦଳକୁ ୧-ଗୋଲରେ ପରାସ୍ତ କରି ଚାମ୍ପିୟନ ହୋଇଥିଲା । ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ ଚାମ୍ପିୟନ ପତ୍ରାପାଲି ଦଳକୁ ପୁରସ୍କାର ରାଶି ୭ ହଜାର ସହ ଟ୍ରଫି ପ୍ରଦାନ କରିଥିଲେ । ସମ୍ମାନିତ ଅତିଥି ପୂର୍ବତନ ସମିତି ସଭ୍ୟା ଶୋଭାଗିନୀ ନିଆଲ ରନର୍ସ ଅଫ୍ ନକଟାସର ଦଳକୁ ପୁରସ୍କାର ରାଶି ୫ ହଜାର ଟଙ୍କା ସହ ଟ୍ରଫି ପ୍ରଦାନ କରିଥିଲେ । ଏହି ଅବସରରେ ଦୁର୍ଯ୍ୟୋଧନ କୁମ୍ଭାର, ସନାତନ ଠାକୁର, ଜଗଦୀଶ ଖମାରୀ ପ୍ରମୁଖ ଉପସ୍ଥିତ ଥିଲେ । ଜଗନ୍ନାଥ କ୍ଳବ୍ ସଭାପତି ସନ୍ତୋଷ ନାୟକ, ଉପସଭାପତି ମିଳନ ଜାଲ, ସଂପାଦକ ବିକି ଖମାରୀ, ସହସଂପାଦକ ରାଜା ସାହୁ, କୋଷାଧ୍ୟକ୍ଷ ବିନୋଦ ଠାକୁର ପ୍ରମୁଖ ଉପସ୍ଥିତ ଥିବା ବେଳେ ବୁଲୁ ବର୍ଗର୍ତ୍ତି, ପ୍ରବୀଣ ପାଢ଼ୀ ଖେଳର ଧାରା ବିବରଣୀ ପ୍ରଦାନ କରିଥିଲେ । ଆର୍ଶିବାଦ ସା, ମୁଖ୍ୟ ରେଫରୀ ଭାବେ ଥିବା ବେଳେ ଆଶ୍ଵିକୀ ଭୁକ୍ତା, ପ୍ରତାପ ଭୁକ୍ତା, ଆଶିଷଦେବ ସା ସହ ରେଫରୀ ଭାବେ ଖେଳ ପରିଚାଳନା କରିଥିଲେ । ଟିକୁ, ଲିପୁନ, ରିୟାଜଙ୍କ ସହ କ୍ଲବର ଅନ୍ୟ ସଦସ୍ୟ ଓ ଗ୍ରାମବାସୀ ସହଯୋଗ କରିଥିଲେ ।