ରାୟଗଡ଼ା, (ଅକ୍ଷୟ କୁମାର ପିଡ଼ିସିକା) : ଦନ୍ତା ହାତୀ ଆକ୍ରମଣରେ ଯୁବକଙ୍କ ମୃତ୍ୟୁ । ଏପରି ଏକ ଘଟଣା ଘଟିଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ନିୟମଗିରି ପର୍ବତ ପାଖ ଲାଖପଦର ଅଂଚଳରେ । ମୃତକ ଜଣକ ହେଇଛନ୍ତି ଭୌରା କୁତ୍ରୁକା । ସେ ଖଂବେସି ଗାଁରୁ ସନ୍ଧ୍ୟା ସମୟରେ ନିଜ ମାଉସୀ ଗାଁ ଲାଖପଦର୍ ଆସୁଥିବା ସମୟରେ ଏକ ଦନ୍ତା ଆସି ଆକ୍ରମଣ କରିଥିଲା । ଫଳରେ ସେ ଚିତ୍କାର କରିଥିଲେ । ଆଖପାଖରେ ଥିବା ଅନ୍ୟ ସାଥୀମାନେ ପହଂଚିବା ବେଳକୁ ଦନ୍ତା ଚାଲିଯାଇଥିଲା । ଭୌରା କୁତ୍ରୁକାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଗାଁକୁ ନେବା ବେଳେ ସାଲୁପୁରରେ ତାଙ୍କ ମୃତ୍ୟୁ ହୋଇଯାଇଥିଲା । ଘଟଣାର ଖବର ପାଇ ସ୍ଥାନୀୟ ବନବିଭାଗ ଘଟଣା ସ୍ଥଳ ଅଭିମୁଖେ ଯାଇଛନ୍ତି । ଏନେଇ ପ୍ରାଥମିକ ତଦନ୍ତ ଜାରି ରହିଥିବା ଫରେଷ୍ଟର୍ ସୂଚନା ଦେଇଛନ୍ତି ।