ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପାଇକମାଲ ପଦ୍ମପୁର ରାସ୍ତା ଝାରମୁଣ୍ତା ଛକ ନିକଟରେ ରବିବାର ମଧ୍ୟାହ୍ନରେ ଏକ ବାଇକ୍ ଦୁର୍ଘଟଣାରେ ଜଣେ ମୃତ ଜଣେ ଗୁରୁତର ହୋଇଥିବାର ଜଣାପଡିଛି । ପାଇକମାଲ ଥାନା ମିଠାପାଲି ପଞ୍ଚାୟତ ବୁଟୁରଖମାର ଗ୍ରାମର ପୁନିତ ମୁନା (୨୨) ଓ ଅଭିନାସ ମୁନା (୧୭) ଏକ ସୁଜୁକି ଇଷ୍ଟାର ବାଇକ୍ ନମ୍ବର ଓଡି ୧୭ ଭି ୨୪୮୧ରେ ପଦ୍ମପୁର ପଟରୁ ପାଇକମାଲ ଆସୁ ଥିବା ବେଳେ ଝାରମୁଣ୍ତା ଛକ ନିକଟରେ ମଝି ଡିଭାଇଡରେ ପିଟି ହୋଇଥିଲେ । ୨ ଜଣଙ୍କୁ ଆମ୍ବୁଲାନ୍ସରେ ପଦ୍ମପୁର ସରକାରୀ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ପୁନିତକୁ ମୃତ ଘୋଷଣା କରିଥିଲେ । ଅଭିନାସ ଗୁରୁତର ଥିବାରୁ ବୁର୍ଲ୍ଲାକୁ ସ୍ଥାନାନ୍ତରିତ କରାଯାଇଥିଲା । ପାଇକମାଲ ପୋଲିସ ଘଟଣାସ୍ଥଳରେ ପହଞ୍ଚି ବାଇକ୍କୁ ଜବତ କରି ଥାନାକୁ ଆଣିବା ସହ ଦୁର୍ଘଟଣାର ତଦନ୍ତ ଜାରି କରୁଛନ୍ତି ।