ଆଠଗଡ଼ : ଶୁକ୍ରବାର ବିଳମ୍ବିତ ରାତିରେ ଆଠଗଡ଼ ନରସିଂହପୁର ମୁଖ୍ୟ ରାସ୍ତା ଚାନ୍ଦବାଲି ଛକ ଗୁପ୍ତା ଡିଷ୍ଟ୍ରିବୁଟର ସମ୍ମୁଖରେ ଦୁଇଟି ଟ୍ରକ୍ ମୁହାଁମୁହିଁ ଧକ୍କା ହେବାରୁ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ଖୁଣ୍ଟୁଣୀ ପଟରୁ ଆସୁଥିବା ଏକ ଲୁହା ରଡ୍ ବୋଝେଇ ଟ୍ରଲର ଏବଂ ନରସିଂହପୁର ଆଡୁ ମହାରାଷ୍ଟ୍ରରୁ କମ୍ୱଳ ବାଝେଇ ଟ୍ରକ ସହ ମୁହାଁମୁହିଁ ଧକ୍କା ହେବାରୁ କମ୍ୱଳ ବୋଝେଇ ଟ୍ରକ ଡ୍ରାଇଭର ଟ୍ରକ୍ ଭିତରେ ଚାପି ହୋଇ ଯାଇଥିଲା । ଖବର ପାଇ ଆଠଗଡ଼ ପୁଲିସ ସହିତ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଚାପି ହୋଇ ରହିଥିବା ଡ୍ରାଇଭରଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଆଠଗଡ଼ ଡାକ୍ତରଖାନାକୁ ନେଇ ତଦନ୍ତ ଆରମ୍ଭ କରିଛି ।