ମାଲକାନଗିରି : ମାଲକାନଗିରି ଜିଲ୍ଲା କାଲିମେଳା ମୋଟୁ ୩୨୬ ନମ୍ୱର ଜାତୀୟ ରାଜପଥ ଏମଭି ୧୨୬ଗ୍ରାମର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିବା ଜଣାପଡିଛି । ଏହୀ ଦୁର୍ଘଟଣାରେ ବାପାର ଜୀବନ ଯାଇଥିବା ବେଳେ ମା ଓ ପୁଅ ଗୁରୁତର ଆହତ ହୋଇଛି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ମୋଟୁ ଥାନା ମାନ୍ୟମକୋଣ୍ଡା ପଞ୍ଚାୟତ ଅନ୍ତର୍ଗତ ରାଜଗିରି ଗ୍ରାମର ୪୦ ବର୍ଷୀୟ ନୀଳରାମ ବଡ଼ନାୟକ ତାଙ୍କ ପତ୍ନୀ ଏବଂ ଆଠ ବର୍ଷୀୟ ପୁତ୍ର ସଲମନ ବଡ଼ନାୟକଙ୍କୁ ନେଇ ମଟର ସାଇକଲରେ ଗତକାଲି ସନ୍ଧ୍ୟାରେ କାଲିମେଳାରୁ ନିଜ ଘରକୁ ଫରୁଥିଲେ । ଏହି ସମୟରେ ୩୨୬ ଜାତୀୟ ରାଜପଥ ଏମଭି ୧୨୬ ଘାଟିରେ ଏକ ଟ୍ରକ ଛିଡା ହୋଇଥିଲା । ତେବେ ନୀଳ ରାମ ଜାଣି ନପାରି ସେହି ଟ୍ରକ ପଛପଟେ ବାଇକ ଟି ପିଟି ହୋଇଥିଲା । ଘଟଣା ସ୍ଥଳରେ ନୀଳ ରାମଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପତ୍ନୀ ଏବଂ ପୁତ୍ର ଆହତ ହୋଇଥିଲେ । ସ୍ଥାନୀୟ ଲୋକେ ଆହତଙ୍କୁ ଆମ୍ବୁଲାନ୍ସ ଯୋଗେ କାଲିମେଳା ହସ୍ପିଟାଲକୁ ଚିକିତ୍ସା ନିମନ୍ତେ ପଠାଇଥିଲେ । ହେଲେ ସେଠାରେ ଡାକ୍ତର ନୀଳ ରାମଙ୍କୁ ମୃତ ଘୋଷଣା କରିଥିଲେ । ପୁଲିସ ଘଟଣା ସ୍ଥଳରେ ପହଞ୍ଚି ମୃତ ଶରୀର ଜବତ କରି ଶବ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇ ତଦନ୍ତ ଆରମ୍ଭ କରିଛି ।