ପାଟଣାଗଡ଼, (କେପିଏନ୍ଏସ୍) : ବାଂଜିପାଲି ଗାଁ ନିକଟରେ ଏକ ସଡ଼କ ଦୁର୍ଘଟଣା ଘଟିଥିବା ଜଣାପଡ଼ିଛି । ୨ଟି ବାଇକ୍ ମୁହାଁମୁହିଁ ଧକ୍କା ହେବାରୁ ୨ ବାଇକ୍ ଚାଳକ ଗୁରୁତର ହୋଇଥିବା ସୂଚନା ମିଳିଛି । ପାଟଣାଗଡ଼ ଅଞ୍ଚଳର ଶୁଲିଆମାଲ ଗାଁର ପିଣ୍ଟୁ ବାଗ ଗୋଟିଏ ପଟୁ ଆସୁଥିବା ବେଳେ ଅନ୍ୟପଟରୁ କୌତୁକ ବିଶି ଆସୁଥିଲେ । ତେବେ ଦୁଇ ଜଣଙ୍କ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଦୁହେଁ ଗୁରୁତର ହୋଇପଡ଼ିଥିଲେ । ଦୁହିଁଙ୍କୁ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ୍ରେ ଭର୍ତ୍ତି କରାଯାଇଥିବା ଜଣାପଡ଼ିଛି ।