ଦେଓଗାଁ, (ମନୀଷ କୁମାର ସାହୁ) : କିଛି ଦିନ ତଳେ ‘ଆଗକୁ ମୌସୁମୀ, ଡ୍ରେନ ସଫା ହେବ କେବେ’ ବୋଲି ଗଣମାଧ୍ୟମରେ ପ୍ରକାଶ ପାଇବା ପରେ ଜଗି ଉଠିଥିଲା ପଞ୍ଚାୟତ ପ୍ରଶାସନ । ସଫା କରାଗଲା ଡ୍ରେନ, ହେଲେ ସଫା କରି ଅଳିଆ ଆବର୍ଜନାକୁ ରାସ୍ତାରେ ଛାଡ଼ି ଦିଆଯାଇଛି । ଫଳରେ ଗ୍ରାମବାସୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଦେଓଗାଁ କଛାରପାଲି ଗାଁ ମୁଣ୍ଡ ସହ ଗାଁର ସମସ୍ତ ପଡ଼ାର ରାସ୍ତାରେ ଡ୍ରେନର ଅଳିଆ ଗଦା ହୋଇପଡ଼ିଥବା ଦେଖିବାକୁ ମିଳିଛି । ଠିକ୍ ସେହିପରି କନ୍ଧପାଲିପଡ଼ାରେ ମଧ୍ୟ ଏଭଳି ଭାବେ କାଦୁଅ ପଡିଛି, ଯାହାକି ଏକା ସମୟରେ ଦୁଇଟି ବାଇକ୍ ଯାଇପାରୁନାହିଁ ।