ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦର ମହକୁମାରେ ଥିବା ଡିଭାଇନ୍ କିଡସ ପବ୍ଲିକ ସ୍କୁଲର ୨ ଦିନ ବ୍ୟାପି ଚାଲିଥିବା ଅଷ୍ଟମ ବାର୍ଷିକ କ୍ରୀଡା ପ୍ରତିଯୋଗିତା ଆଜି ଉଦ୍ଯାପିତ ହୋଇଯାଇଛି । ଆଜି ଦ୍ଵିତୀୟ ଦିନରେ ଏଲକେଜି, ୟୁକେଜି ଓ ନର୍ସରୀ ଛାତ୍ରଛାତ୍ରୀଙ୍କ ମଧ୍ୟରେ ଫଗ ଡେନ୍ସ, ମ୍ୟୁଜିକ ଚେୟାର ଓ ୧୫ମିଟର ରେସ୍ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସ୍କୁଲ ପରିଚାଳନା କମିଟି ସମ୍ପାଦକ ଗିରିଧାରୀ ବନଛୋରଙ୍କ ସଭାପତିତ୍ୱରେ ଅନୁଷ୍ଠିତ ପୁରସ୍କାର ପ୍ରଦାନ ଉତ୍ସବରେ ବରିଷ୍ଠ ଅଭିଭାବକ ଗୌରହରୀ ପାଢ଼ୀ, କିଶୋର ଚନ୍ଦ୍ର ପାଣ୍ଡେ, ଭଗବାନ ମୁଟକିଆ, କ୍ଷୀରମୋହନ ବାଗ, ସେମନ୍ତ ସୁନା, ଶ୍ରୀକାନ୍ତ ରଞ୍ଜନ ନାଗ ପ୍ରମୁଖ ଅତିଥି ରୂପେ ଯୋଗଦେଇ କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରିଥିଲେ । ଏହି ବାର୍ଷିକ କ୍ରୀଡା ପ୍ରତିଯୋଗିତାରେ ସ୍କୁଲର ଅଧ୍ୟକ୍ଷ ଅଶୋକ କୁମାର ମହାନନ୍ଦଙ୍କ ସହ ଶିକ୍ଷୟିତ୍ରୀ ସ୍ମିତାରାଣୀ ପରିଡ଼ା, ଲିପିକା ଭୋଇ, ନିକିତା କମ୍ପ, ଯାଜ୍ଞସେନୀ କମ୍ପ, ତୋଷାରାଣୀ କମ୍ପ, ତନୁଶ୍ରୀ ସାହୁ, ଭାଗ୍ୟଶ୍ରୀ ସେଠୀ, ପ୍ରତୀକ୍ଷା ବଘାର, ଜାହ୍ନବୀ ଭୋଇ, ପୁଷ୍ପାଞ୍ଜଳୀ ମେହେରଙ୍କ ସହ ସମସ୍ତ ଶିକ୍ଷକ,ଶିକ୍ଷୟିତ୍ରୀ, କର୍ମଚାରୀ ଓ ସମସ୍ତ ଅଭିଭାବକ ସମ୍ପୂର୍ଣ୍ଣ ସହଯୋଗ କରିଥିଲେ । ଶେଷରେ ଅଧ୍ୟକ୍ଷ ଶ୍ରୀ ମହାନନ୍ଦ ଧନ୍ୟବାଦ୍ ଦେଇଥିଲେ ।
