ରାଉରକେଲା, (ସସ୍ମିତା ପ୍ରଧାନ) : ସହରର ସାମାଜିକ ସଂଗଠନ ବ୍ରାହ୍ମଣ କଲ୍ୟାଣ ସଭା ପକ୍ଷରୁ ରବିବାର ସନ୍ଧ୍ୟାରେ ଦୀପାବଳି ସ୍ନେହ ମିଳନ ସମାରୋହ ଅମର ଭବନ ପରିସରରେ ଅନୁଷ୍ଠିତ ହୋଇଯାଇଛି । ଆରମ୍ଭରେ ଭଗବାନ ଗଣେଶ ମୂର୍ତ୍ତିଙ୍କ ସମ୍ମୁଖରେ ପ୍ରଦୀପ ପ୍ରଜ୍ଵଳନ କରାଯାଇ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା । ବ୍ରାହ୍ମଣ କଲ୍ୟାଣ ସଭାର ଅଧ୍ୟକ୍ଷ ଶ୍ରବଣ ପାରିକଙ୍କ ଦ୍ୱାରା ସ୍ୱାଗତ ଭାଷଣ ପ୍ରଦାନ କରାଯିବା ପରେ ସମ୍ପାଦକ ଶିବ ଶଙ୍କର ଶର୍ମା ଏବଂ ଅଧ୍ୟକ୍ଷଙ୍କ ଦ୍ୱାରା ପୂର୍ବତନ ସଭାପତିଙ୍କୁ ସମ୍ମାନର ସ୍ୱରୂପ ଭାବରେ ଉତ୍ତରୀୟ ଏବଂ ପୁଷ୍ପଗୁଚ୍ଛ ପ୍ରଦାନ କରାଯାଇ ସମସ୍ତଙ୍କ ପାଇଁ ଶୁଭ ଦୀପାବଳିର ଶୁଭକାମନା ଜଣାଇଥିଲେ । ଯେଉଁଥିରେ ପୂର୍ବତନ ଅଧ୍ୟକ୍ଷ ମନୋହର ଲାଲ ମହର୍ଷି, ମୁସଦିଲାଲ ଶର୍ମା, ବଜରଙ୍ଗ ଲାଲ ଶର୍ମା, ଯୁଗଳ କିଶୋର ଶର୍ମା, ଭମ୍ବରଲାଲ ଚୌଟିଆ, ମୁରଲୀ ଲାଲ ଚୌମାଲ, ଦିଲୀପ ଶର୍ମା, ବିନୟ ଶର୍ମାଙ୍କ ସମେତ ସମାଜର ବରିଷ୍ଠ ତଥା ସମ୍ମାନିତ ସନ୍ତୋଷ ପାରିକ, ହରିୟାଣା ନାଗରିକ ସଂଘର ସଭାପତି ନରେଶ ଅଗ୍ରୱାଲଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା । ଏହି ଅବସରରେ ସମାଜର କନ୍ୟା ଓ ଛତିଶଗଡ଼ର ପିଜିରେ ଟପ୍ପର ତଥା ସ୍ୱର୍ଣ୍ଣ ପଦକ ବିଜେତା ଡକ୍ଟର ଶ୍ୱେତା ଶର୍ମାଙ୍କୁ ଟ୍ରଫି, ଉତ୍ତରୀୟ ଏବଂ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିବା ବେଳେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସମାଜର ପିଲାମାନଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ଉପସ୍ଥାପିତ ହୋଇଥିଲା । ସେମାନଙ୍କୁ ସମାଜର ଲୋକମାନଙ୍କ ଦ୍ୱାରା ପ୍ରଶଂସିତ କରାଯାଇଥିବା ବେଳେ ଭାଗ୍ୟଶାଳୀ କୁପନର ବିଜେତାମାନଙ୍କୁ ଏକ ରୂପା ମୁଦ୍ରା ମଧ୍ୟ ଦିଆଯାଇଥିଲା । ପରେ ସମାଜର ଲୋକମାନେ ସୁଷମ ଭୋଜନ ଏବଂ ଖାଦ୍ୟ ପାଇଥିଲେ । ଏହି କାର୍ଯ୍ୟକ୍ରମକୁ ସଫଳ କରିବାରେ ବ୍ରାହ୍ମଣ କଲ୍ୟାଣ ଅଧିକାରୀଙ୍କ ସକ୍ରିୟ ଅବଦାନ ଥିଲାବେଳେ ସୁନୀଲ ଶର୍ମା ଏହି କାର୍ଯ୍ୟଅକ୍ରମ ପରିଚାଳନା କରିଥିଲେ ।