centurian jitm

ପଲ୍ଲୀ ଆଲୋକ ପାଠାଗାର ପକ୍ଷରୁ ବିଶ୍ୱ ମହିଳା ଦିବସ ପାଳିତ

ଲୋଇସିଂହା, (ବିମଳେନ୍ଦୁ ସାହୁ) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ନୁନିଆଁପାଲି ପଂଚାୟତର ପାଣ୍ଡେସରା କମ୍ୟୁନିଟି ହଲ ଠାରେ ପଲ୍ଲୀ ଆଲୋକ ପାଠାଗାର ଓ APPI ର ମିଳିତ ଆନୁକୂଲ୍ୟରେ ବିଶ୍ୱ ମହିଳା ଦିବସ ପାଳିତ ହୋଇଯାଇଛି । ସୁଶାନ୍ତ ସା ସ୍ୱାଗତ ସମର୍ଦ୍ଧନା ଜଣାଇବା ସହିତ ଉକ୍ତ ଦିବସର ଉଦ୍ଦେଶ୍ୟ କଥନ କରିଥିଲେ । ଅଭିଜିତ ମିଶ୍ର ସ୍ଵତନ୍ତ୍ର ଆଲୋଚକ ଭାବେ ଯୋଗଦେଇ ବର୍ତମାନ ପରିସ୍ଥିତିରେ ମହିଳା ମାନଙ୍କ ସ୍ଥିତି, ସେମାନଙ୍କ ସଶକ୍ତିକରଣ ତଥା ଆତ୍ମ ନିର୍ଭରଶୀଳତା ସର୍ବୋପରି କିଭଳି ସେମାନେ ପଥରେ ଆଗେଇ ପାରିବେ, ସେ ଉପରେ ଆଲୋକପାତ କରିଥିଲେ । ଏହି ଅବସରରେ ପ୍ରହଲ୍ଲାଦ ପଧାନଙ୍କ ପରିଚାଳନା କ୍ରମେ ମହିଳାଙ୍କୁ ନେଇ ଜଣା ଅଜଣା କାର୍ଯ୍ୟକ୍ରମ କରାଯିବା ସହିତ ସଠିକ ଉତ୍ତରଦାତାଙ୍କୁ ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମରେ ସମସ୍ତ ଅଙ୍ଗନବାଡି ତଥା ଆଶା କର୍ମୀ ଓ କିଶୋରୀ ବାଳିକା ଅଂଶଗ୍ରହଣ କରିଥିଲେ । ନମିତା ପଧାନ ଧନ୍ୟବାଦ ଅର୍ପଣ କରିଥିଲେ ।

Leave A Reply

Your email address will not be published.